ალეკ ბოლდუინის სასამართლოს საქმის მოსასმენად ნაფიც მსაჯულთა ჟიური შეირჩა. მსახიობს უნებლიე მკვლელობის მუხლით ედავებიან, რომელსაც თავად არ აღიარებს.

2021 წლის ოქტომბერში, ფილმის Rust გადაღებისას, 42 წლის კინემატოგრაფი, ჰალინა ჰაჩენსი ალეკ ბოლდუინის იარაღიდან გასროლილ ტყვიას ემსხვერპლა, რომელიც მსახიობს ერთ-ერთ სცენაში უნდა სჭეროდა.

ბოლდუინის ჩვენების მიხედვით, მას ჩახმახისთვის თითი არ გამოუკრავს და იარაღმა მაშინ გაისროლა, როცა რევოლვერი გადატენა. მისი ადვოკატთა გუნდი ამტკიცებს, რომ იარაღის უსაფრთხოების უზრუნველყოფა ფილმის გადამღები ჯგუფის სხვა წევრების პასუხისმგებლობა იყო.

ფატალური იარაღი — Colt .45

ფოტო: Reuters

12 ნაფიცი მსაჯული და მათი 4 ალტერნატივა სამშაბათს შეირჩნენ, მას შემდეგ, რაც პროკურორებისა და ბოლდუინის ადვოკატების მიერ დაიკითხნენ.

საქმის განხილვა დღეს დილით, ნიუ-მექსიკოს შტატის ქალაქ სანტაფეში დაიწყო.