მოკლედ: საქართველოს პრემიერ-მინისტრის, ირაკლი კობახიძის თქმით, ვაზიანში აშენდება თბილისის ახალი საერთაშორისო აეროპორტი, რომელიც გათვლილი იქნება 18 მილიონ მგზავრზე.

  • ამის შესახებ კობახიძემ განაცხადა დღეს, 28 ივნისს, პარლამენტში, ყოველწლიური მოხსენების წარდგენისას.

დეტალები: კობახიძის თქმით, განიხილებოდა ორი ალტერნატიული ვერსია — არსებული აეროპორტის გაფართოება, ან სრულიად ახალი აეროპორტის მშენებლობა, საბოლოო ჯამში კი, მთავრობამ, ეკონომიკურ საბჭოზე განხილვის შემდეგ, სრულიად ახალი საერთაშორისო აეროპორტის მშენებლობის გადაწყვეტილება მიიღო.

  • "დღევანდელი აეროპორტის გამტარუნარიანობა არის 4 მილიონი მგზავრი და ახალი აეროპორტი, პროექტის სრულად დასრულების შემდეგ, გათვლილი იქნება 18 მილიონ მგზავრზე", — განაცხადა პრემიერ-მინისტრმა.