მოკლედ: შინაგან საქმეთა სამინისტროს ინფორმაციით, განზრახ მკვლელობის ბრალდებით 24 წლის პირი დააკავეს.

  • დანაშაული 15 წლამდე პატიმრობას ითვალისწინებს.

დეტალები: გამოძიებით დადგინდა, რომ დუშეთის მუნიციპალიტეტში მდებარე აგრარული ბაზრის ტერიტორიაზე, ურთიერთშელაპარაკების ნიადაგზე, ბრალდებულმა ორ პირზე ფიზიკურად იძალადა, ცივი იარაღის გამოყენებით მათ დაზიანებები მიაყენა და შემთხვევის ადგილიდან მიიმალა.

  • მძიმე დაზიანებების შედეგად, ერთ-ერთი დაზარალებული პირი, სამედიცინო დაწესებულებაში გარდაიცვალა.
  • სამართალდამცველებმა ბრალდებული მომხდარიდან რამდენიმე საათში დააკავეს.
  • პოლიციამ დანაშაულის ჩადენის იარაღი ნივთმტკიცებად ამოიღო.