სომხეთის პრემიერ-მინისტრის ოფისმა ბაქოს, ცეცხლის შეწყვეტის დარღვევის გამოსაძიებლად, ერთობლივი მექანიზმის შექმნა ოფიციალურად შესთავაზა.

ერევანმა ეს წინადადება დიპლომატიური არხებით შაბათს გაავრცელა, აღნიშნეს, რომ ეს არის დაფუძნებული "სომხეთის მთავრობის ნებაზე, არ დაუშვას დაძაბულობა".

იმავე დღეს, სომხეთის თავდაცვის სამინისტრომ უარყო ორი ბრალდება, მათ მიერ აზერბაიჯანის პოზიციებისთვის ცეცხლის გახსნის შესახებ. შაბათ-კვირას აზერბაიჯანმა განაცხადა, რომ სომხურმა ძალებმა, ქალბაჯარის რაიონში, მათ პოზიციებს ცეცხლი გაუხსნეს.

ტოივო კლაარი, ევროკავშირის სპეციალური წარმომადგენელი სამხრეთ კავკასიაში მიესალმა წინადადებას და აღნიშნა, რომ ევროკავშირი 15 წლის განმავლობაში ეხმარებოდა მსგავსი შეხვედრების ორგანიზებას, ევროკავშირის სადამკვირვებლო მისიის მეშვეობით საქართველოში და მზად არის, გაუზიაროს თავისი გამოცდილება.

ეს შეთავაზება პირველად სომხეთის პრემიერ-მინისტრმა ნიკოლ ფაშინიანმა ივნისის შუა რიცხვებში წამოაყენა, აზერბაიჯანის ბრალდებების ფონზე, რომ სომხეთმა ცეცხლი გაუხსნა აზერბაიჯანის საბრძოლო პოზიციებს, რასაც სომხეთი მუდმივად უარყოფს.

მაშინ ფაშინიანმა განაცხადა, რომ აზერბაიჯანის ბრალდებებს, შესაძლოა, ორი მოტივი ჰქონდეს.

"ერთ შემთხვევაში, მართლაც არის ცეცხლის შეწყვეტის რეჟიმის დარღვევა; მეორეში, ეს ინფორმაცია გამოიყენება როგორც სიტუაციის ესკალაციის მცდელობა, ან ესკალაციის ფონის შექმნის მცდელობა. ყველა შემთხვევაში, არც პირველი და არც მეორე არ არის ჩვენი პოლიტიკური ნება“, — განაცხადა ფაშინიანმა.

სტატიაში წარმოდგენილი შეხედულებები ეკუთვნის ავტორს და არ წარმოადგენს On.ge-ის პოზიციას. მასალა ქვეყნდება OC Media-სთან პარტნიორობის ფარგლებში, რომლის შედეგად, გამოცემის სტატიები ამიერიდან ოთხ ენაზე გავრცელდება. საქართველოში OC Media-ს პარტნიორი On.ge-ა. სტატია ინგლისურად შეგიძლიათ წაიკითხოთ აქ.