მოკლედ: სახელმწიფო უსაფრთხოების სამსახურის ინფორმაციით, ტერორიზმის შესახებ ცრუ შეტყობინების ფაქტზე, საქართველოს ერთი მოქალაქე დააკავა.

რა მოხდა: სუს-ის მიხედვით, დაკავებულმა პირმა, 2024 წლის 6 მაისს, განახორციელა შეტყობინება ქალაქ ბათუმის ერთ-ერთ მსხვილ სავაჭრო ცენტრში ასაფეთქებელი მოწყობილობის არსებობის შესახებ.

  • შეტყობინებასთან დაკავშირებით, სუს-მა სხვადასხვა სახის სპეციალური ღონისძიებები გაატარა, რის შედეგადაც, ასაფეთქებელი მოწყობილობის არსებობა გამოირიცხა.

ბოლო ხაზი: სახელმწიფო უსაფრთხოების სამსახურის კონტრტერორისტული ცენტრი გამოძიებას საქართველოს სისხლის სამართლის კოდექსის 331-ე მუხლით აწარმოებს, რაც 3-დან 6 წლამდე პატიმრობას ითვალისწინებს.