მოკლედ: თბილისის მერის, კახა კალაძის თქმით, ჯორჯიან უოთერ ენდ ფაუერ (GWP) ამორტიზებულია და საჭიროებს განახლებას.

  • "GWP-ს აქვს ძალიან დიდი პრობლემები ქალაქში. თუმცა, ვთანამშრომლობთ კომპანიასთან და ყველა იმ პროექტში, რომელსაც ვიწყებთ, ის აწარმოებს შესაბამის სამუშაოებს", — განაცხადა კალაძემ.

დეტალები: კალაძის თქმით, როდესაც თბილისის მერია რეაბილიტაციას იწყებს, პირველი მოთხოვნა, რაც GWP-სთან აქვთ, არის ქსელის მოწესრიგება და განახლება:

  • "კომპანია მოგვყვება, აწარმოებს შესაბამის სამუშაოებს და ამიტომაც, ეს სამუშაოები გარკვეული პერიოდის განმავლობაში გრძელდება".

კონტექსტი: 16 ივნისს, წიწამურთან დაზიანდა მაგისტრალური წყალსადენი, რომელიც თბილისში ვაკე-საბურთალოს და გლდანის რაიონების ნაწილს და ქალაქ მცხეთას ამარაგებს.

  • GWP-ის მიხედვით, მესამე მხარის მიერ დიდი ოდენობით დაყრილი მასალის ზეწოლამ გამოიწვია ჯივიპის ცენტრალური წყალსადენის რამდენიმე მონაკვეთის დეფორმირება და გადაბმის ადგილების ერთმანეთისგან დაშორება.
  • ამ დრომდე, უცნობია, როდის აღდგება წყალმომარაგება.

გაიგე მეტი: რა ვითარებაა წიწამურთან მდებარე მაგისტრალურ წყალსადენზე — GWP-ის განცხადება