ლიტველი ევროპარლამენტარი, პეტრას აუსტრევიჩუსი საქართველოს ყოფილი პრეზიდენტისთვის, მიხეილ სააკაშვილისთვის ბინადრობის უფლების, მოგვიანებით კი ლიტვის მოქალაქეობის მინიჭების ინიციატივით გამოდის. ამის შესახებ ლიტვური გამოცემა lrytas წერს:

"პირველ რიგში, სააკაშვილმა ბინადრობის უფლება უნდა მიიღოს ჩვენს ქვეყანაში. მან უნდა დააარსეს პოლიტიკურ-ანალიტიკური კონსულტაციის ორგანიზაცია ლიტვაში, რის შემდეგაც მას ევროპაში მუშაობის საშუალება ექნება".

მისივე თქმით, ლიტვის მოქალაქეობა რთულად მოსაპოვებელია და მას კანონი მკაცრად აკონტროლებს, თუმცა მისივე აღნიშვნით, ამის შესაძლებლობა გამორიცხული არ არის:

"ვფიქრობ, რომ პრეზიდენტი ვალდას ადამკუსი განიხილავს სააკაშვილის საკითხს".

სააკაშვილისთვის უკრაინის მოქალაქეობის ჩამორთმევის შესახებ ინფორმაცია 26 ივლისს გავრცელდა. ამჟამად, მიხეილ სააკაშვილი ამერიკის შეერთებულ შტატებში იმყოფება.