მოკლედ: საქართველოში MASSIVE ATTACK-ის 28 ივლისს დაგეგმილი კონცერტი გაუქმდა.

დეტალები: განცხადების თანახმად, ბილეთის მფლობელებს გადახდილი თანხა ეტაპობრივად აუნაზღაურდებათ.

  • განცხადებაში არ წერია კონცერტის გაუქმების მიზეზი.

კონტექსტი: 25 აპრილს, მოძრაობა სირცხვილიამ, ხალხის სახელით, Massive Attack-ს მოუწოდა, საქართველოში კონცერტის გამართვამდე, გაეცნონ ქვეყანაში არსებულ "საგანგაშო პოლიტიკურ ვითარებას" და განსჯის საფუძველზე გადადგან საპასუხო ნაბიჯი.

  • სირცხვილიას მიმართვაში საუბარი იყო "ხელისფულების მხრიდან მასობრივ თავდასხმებზე", რუსულ კანონზე, "ლგბტ" პროპაგანდის ამკრძალავ და ე.წ ოფშორების კანონებზე.

3 მაისს, Massive Attack-მა პლატფორმა X-ზე, რუსული კანონის საპროტესტო აქციებში მონაწილე სტუდენტებს სოლიდარობა გამოუცხადა.

ბოლო ხაზი: Massive Attack მთავრობის მხარდაჭერილი კამპანიის — Starring Georgia-ს ფარგლებში უნდა ჩამოსულიყო.