რუსთავი 2-ის ყოფილი მეწილე ქიბარ ხალვაში ამავე ტელეარხის დამფუძნებელ დავით დვალს გამარჯვებას ფეისბუკზე ულოცავს:

"რა კედელი გაქვს შეუღწევადი, კაცი გამარჯვებას ვერ მოგილოცავს. გილოცავთ. წარმატებები".

თავის მხრივ, გამარჯვებას ქიბარ ხალვაშს ულოცავენ ფეისბუკ მეგობრები.

თბილისის სააპელაციო სასამართლომ დღეს, 10 ივნისს, ძალაში დატოვა საქალაქო სასამართლოს მოსამართლის, თამაზ ურთმელიძის გადაწყვეტილება რუსთავი 2-ის წილების ქიბარ ხალვაშისთვის მიკუთვნებასთან დაკავშირებით.

თბილისის სააპელაციო სასამართლომ რუსთავი 2-ის საქმის განხილვა 7 ივნისს დაასრულა.

ლევან და გია ყარამანიშვილები რუსთავი 2-ის წილებისთვის ბრძოლას საქართველოს უზენაეს სასამართლოში გააგრძელებენ. ადვოკატ ზაზა ბიბილაშვილის თქმით, სასამართლოს 10 ივნისის გადაწყვეტილება, არის "სადამსჯელო ღონისძიება" რუსთავი 2-ისა და სიტყვის თავისუფლების წინააღმდეგ.

თავის მხირვ, ბრძოლის გაგრძელებას გეგმავს თავად ქიბარ ხალვაშიც.