რა ხდება: საქართველოს პრემიერ-მინისტრი, ირაკლი კობახიძე, 11-12 ივნისს, ბერლინში, მონაწილეობას იღებს უკრაინის აღდგენის კონფერენციაში (URC2024).

  • "ჩვენი ვალია, გავაკეთოთ ყველაფერი იმისათვის, რომ ხელი შევუწყოთ უკრაინის აღდგენას ჩვენს პარტნიორებთან ერთად", — განაცხადა კობახიძემ ქართველ ჟურნალისტებთან ბერლინში.

დეტალები: კობახიძის თქმით, საქართველო, ყველა პლატფორმაზე, მხარს უჭერს უკრაინის სუვერენიტეტსა და ტერიტორიულ მთლიანობას:

  • "უკრაინის აღდგენის კონფერენციაზე გამოვხატავთ მხარდაჭერას უკრაინის სუვერენიტეტისა და ტერიტორიული მთლიანობის მიმართ და ჩვენს მზადყოფნას, მაქსიმალური წვლილი შევიტანოთ უკრაინის აღდგენაში", — თქვა კობახიძემ.

მსგავსი: ლაშა ფარულავა: კობახიძის მონაწილეობა უკრაინის აღდგენის დახმარების კონფერენციაში, ადასტურებს, რომ ივანიშვილის პარტიას შიგნიდან ანგრევს საერთაშორისო სანქციები

ბოლო ხაზი: პრემიერ-მინისტრი ბერლინში დელეგაციასთან ერთად იმყოფება, რომლის შემადგენლობაში საგარეო საქმეთა მინისტრი ილია დარჩიაშვილი და მთავრობის ადმინისტრაციის უფროსი ლევან ჟორჟოლიანი არიან.