არის დღეები, რომლებსაც ლიტერატურის მოყვარულები განსაკუთრებულად ელოდებიან. ამ დღეებს შორის აუცილებლადაა წიგნის საერთაშორისო ფესტივალი, რომელიც საქართველოში 26-ე წელია იმართება. 30 მაისიდან 2 ივნისის ჩათვლით ექსპო ჯორჯიას მე-6 და მე-11 პავილიონში ნამდვილი დღესასწაული გელოდებათ.

წიგნის ფესტივალი განსაკუთრებით საინტერესოა იმ თვალსაზრისითაც, რომ იქ ტრადიციულად გვხვდება ახალი გამოცემები, ფასდაკლებები და შეთავაზებები, რომლებსაც, როგორც წესი, გამომცემლობები სწორედ ამ დღეებისთვის ამზადებენ. ამასთანავე, წიგნის ფესტივალზე ავტორებთან შეხვედრისა და დისკუსიის საშუალებაც მოგეცემათ.

რა თქმა უნდა, ამ დღისთვის გამორჩეულად ემზადება საქართველოში ერთ-ერთი უდიდესი გამომცემლობა პალიტრა L, რომელიც ქართველ მკითხველს ყოველთვის ბევრი სიახლით ანებივრებს. პალიტრა L-ის სიახლეები ნებისმიერი ასაკის ადამიანს დააინტერესებს - ბავშვებს, თინეიჯერებსა თუ ზრდასრულებს.

ბევრი ადამიანი დიდი ხნით ადრე აკეთებს იმ წიგნების სიას, რომელთა შეძენასაც ფესტივალზე აპირებს, ბევრი კი ბოლო წამს კითხულობს და ითვალისწინებს სხვადასხვა მწერლისა თუ მოაზროვნე ადამიანის რჩევებს. ამ სტატიაში კი იმ სიახლეებს გაეცნობი, რომელთა შეძენასაც პალიტრა L-ის სტენდთან შეძლებ და რომლებიც აუცილებლად უნდა დაამატო შენი წიგნების სიას.

იკითხე ქართული XXI

პალიტრა L-ს ბევრი ისეთი სერია აქვს, სახლში აუცილებლად რომ უნდა გქონდეთ, მათ შორისაა იკითხე ქართული XXI, რომელიც თანამედროვე ქართველი ავტორების აღმოჩენაში დაგეხმარებათ. თბილისის წიგნის 26-ე საერთაშორისო ფესტივალზე საშუალება გექნებათ, თანამედროვე ავტორების უახლეს გამოცემებს გაეცნოთ, მათ შორისაა: თეონა დოლენჯაშვილის მეამბოხე; რამაზ გიგაურის ,წმინდა მარინეს ეკლესიის ჩანაწერები, ბასა ჯანიკაშვილისმე გადმოვცურავ ზღვას.

შეიძლება ეძებდე სიყვარულს მაშინ, როდესაც ქვეყნიდან გაქცევას ფიქრობ? როცა ამისთვის არ გცალია და სულ სხვა გადაწყვეტილებები გაქვს მისაღები? შეიძლება არსებობდეს ისეთი სიყვარული, რომელიც, ყველაფრის მიუხედავად, დროს უძლებს? — თუ ამ კითხვებზე პასუხს ეძებ, აუცილებლად უნდა შეიძინო ბასა ჯანიკაშვილის გახმაურებული პიესა მე გადმოვცურავ ზღვას.

კიდევ 15 წიგნი, რომელიც უნდა წაიკითხო, სანამ ცოცხალი ხარ

თუ 50 და 49 წიგნი უკვე შეაგროვე, რომელიც აუცილებლად უნდა წაიკითხო, სანამ ცოცხალი ხარ, უკვე გაიგებდი, რომ პალიტრა L ახალ სერიაზე მუშაობს და შესაგროვებელი წიგნების სიას კიდევ 15 წიგნს დაუმატებს! ამ ეტაპზე ამ სერიის 5 წიგნია გამოცემული, რომლის შეძენას ფესტივალზე განსაკუთრებულ ფასად შეძლებ.

აგათა კრისტი

ალბათ, არ არსებობს დეტექტივების მოყვარული მკითხველი, რომელსაც აგათა კრისტის წიგნები არ წაუკითხავს და განსაკუთრებულად არ ელოდება ახალი თარგმანების გამოცემას. წიგნის ფესტივალზე აგათა კრისტის ქართულად გამოცემული ორი ახალი წიგნის შეძენას შეძლებთ, რომლებიცაა კარიბის საიდუმლოება და ერთი, ორი, მოფრინდა ქორი.

ლურჯი ოკეანე

ყველაფერი ბოლომდე დაგეგმეთ — 48 კანონიდან ერთ-ერთია, რომელზეც რობერტ გრინი გვესაუბრება. დაგეგმვისას კი არ დაგავიწყდეთ პალიტრა L-ის ერთ-ერთი ყველაზე წარმატებული სერიის, ლურჯი ოკეანის ახალი წიგნი ძალაუფლების 48 კანონი, რომელსაც მკითხველი დიდი ხანი ელოდა.

მორალის უგულებელყოფით, მზაკვრულებით, დაუნდობლობითა და დამრიგებლური შინაარსით გამორჩეული ეს დამაინტრიგებელი ნაშრომი ძალაუფლების სამიათასწლიან ისტორიას მკაფიოდ ჩამოყალიბებული ორმოცდარვა კანონის სახით გვთავაზობს.

ლიტერე ინვენტე

ანი ერნოს წლები ან მოვლენა თუ წაგიკითხავთ, აღარ დაგჭირდებათ იმაზე საუბარი, თუ რატომ უნდა იყიდოთ ლიტერე ინვენტეს ახალი გამოცემა — ანი ერნოს ქალი. ანი ერნოს დედა სიცოცხლის უკანასკნელი ორი წელი ალცჰაიმერით იყო დაავადებული. ქალი მისი ამბავია — ამაფორიაქებელი და ღრმად ემოციური ამბავი დედებსა და შვილებზე, ახალგაზრდობასა და სიბერეზე, ხსოვნასა და დავიწყებაზე.

წლის ბესტსელერი

წლის ბესტსელერის სერიაში არა ერთ, არამედ ორ სიახლეს შეხვდებით. ჩესკა მეიჯორის ეგებ ოდესმე და ტეილორ ჯენკინს რეიდის წიგნის, დეიზი ჯოუნსი და ექვსეული — წიგნია, რომელზე გადაღებულმა სერიალმაც მთელი სამყარო აალაპარაკა. როკჯგუფი დეიზი ჯოუნსი და ექვსეული ნამდვილი ლეგენდა გახდა, მისი სოლისტი კი, დეიზი, თავისი დროის კერპი. თითქმის ყველა გოგონა ოცნებობდა ისეთივე ნიჭიერი ყოფილიყო, როგორიც დეიზი. მაგრამ პოპულარობის ზენიტში, 1979 წელს, ჯგუფის ერთიანობას ბზარი შეეპარა. თბილისის წიგნის საერთაშორისო ფესტივალზე მოსვლის უამრავ მიზეზთაგან ერთ-ერთი ამერიკელი ბესტსელერი მწერლის — ტეილორ ჯენკინს რეიდის წიგნის, დეიზი ჯოუნსი და ექვსეული აუცილებლად უნდა გახდეს!

Liberkids

თუ თქვენი ბავშვებისთვის ყველაზე კეთილ და თბილ წიგნს ეძებთ, მე ვარ ლენი ბრაუნი უპირობოდ უნდა შეიძინოთ. ლენის ისტორიაში ყველა პატარა იპოვის საკუთარ თავს. და თუკი თქვენი ბავშვები სპორტით არიან დაინტერესებულები, ლენის თავგადასავალში ფეხბურთსაც უხვად იპოვიან!

ლიბერქიდსის სერიაში ასევე გამოვიდა სტივენ დეივისის ჰილდა და უჩინმაჩნები, რომელიც ცისფერთმიანი გოგონა ჰილდას ამბავს გვიყვება. ის დედას ერთად ერთ ლამაზ ხეობაში ცხოვრობს. თანაც ჯადოსნურში — ვის აღარ ნახავთ აქ: წყლის სულებს, ტროლებს, გიგანტებს, კუნძკაცასა და მის მეგობარ საყვარელ მელაირემს.

Liberteens

რა თქმა უნდა, პალიტრა L-ს არც თინეიჯერები დავიწყებია და მათთვის ძალიან კარგი სიახლე აქვთ — კორეელი ავტორის, აქსი ოს ბესტსელერი — სიყვარულის მუსიკა.

ჯენის არასოდეს ჰყოლია შეყვარებული, არც დრო ჰქონია K-pop-ის ან სხვა გასართობისთვის. მას ერთი ოცნება აქვს — სურს პროფესიონალი ვიოლონჩელისტი გახდეს. ერთ დღესაც ერთ უცნაურ და იდუმალ ბიჭს, ჯევუს შეხვდება. თუ დაინტერესდი, წიგნს მე-11 პავილიონში იპოვი, სადაც ლიბერთინსელები დაგხვდებიან და სხვა რჩევებსაც არ დაგზარდებიან.

საბავშვო

პალიტრა L პატარა მკითხველზე ყოველთვის ზრუნავს და სიახლეებს არ აკლებს. წლევანდელ ფესტივალზე სპეციალურად ბავშვებისთვის განკუთვნილ ლიტერატურას მეექვსე პავილიონში შეხვდებით..

თუ ბავშვებისთვის სასაჩუქრე წიგნებს ეძებთ, რადიარდ კიპლინგის ჯუნგლის წიგნი და ჯეიმზ მეთიუ ბარის პიტერ პენი იდეალური არჩევანი იქნება.

ამასთან, შეგიძლიათ ქართველი ავტორების საბავშვო წიგნებიც შეიძინოთ. ლელა ცუცქირიძის ვუუ და ემოციების გალაქტიკა, ნინო ქადაგიძის ონანა — ჩანაწერები მეგობრობის დღიურში და დიანა ანფიმიადის მფარველი ანგელოზი, რომელიც ანგელოზისა და ლეკვის მეგობრობაზე გიამბობს, კიდევ — სიყვარულზე, ზრუნვასა და ერთგულებაზე.

მკითხველს საშუალება ექნება პალიტრა L-ის სტენდთან ბესტსელერ ავტორებს შეხვდნენ — დაუსვან კითხვები, გაესაუბრონ, გადაიღონ ფოტოები და მიიღონ ავტოგრაფები.

დარწმუნებული ვარ, თქვენს სიას რამდენიმე წიგნი შეემატა, ამიტომ გელოდებით თბილისის წიგნის საერთაშორისო ფესტივალზე!