მოკლედ: საქართველოს პროკურატურის ინფორმაციით, სენაკში მომხდარი მკვლელობის ფაქტზე, ერთ პირს ბრალდება წარუდგინა.

დეტალები: შინაგან საქმეთა სამინისტროს გამოძიებით დადგინდა, რომ

  • გუშინ, 19 მაისს, სენაკში, რამდენიმე პირს შორის დაწყებული ურთიერთშელაპარაკება ფიზიკურ დაპირისპირებაში გადაიზარდა, რა დროსაც ბრალდებულმა დაზარალებულს გულ-მკერდის არეში დანით ჭრილობა მიაყენა.
  • მიყენებული დაზიანების შედეგად, დაზარალებული საავადმყოფოში მიყვანამდე გარდაიცვალა.
  • ასევე, ფიზიკური დაპირისპირების დროს ცივი იარაღით დაზიანებები 5 პირმა მიიღო.
  • სამართალდამცველებმა ბრალდებული იმავე დღეს დააკავეს.

გამოძიება მიმდინარეობს მუხლით, რომელიც განზრახ მკვლელობას გულისხმობს და 10-დან 15 წლამდე პატიმრობას ითვალისწინებს.

ბოლო ხაზი: პროკურატურამ ბრალდებულისთვის აღკვეთის ღონისძიების სახით, პატიმრობის გამოყენების შუამდგომლობით, ზუგდიდის რაიონულ სასამართლოს უკვე მიმართა.

  • შსს-ში სისხლის სამართლის საქმეზე გამოძიება გრძელდება დანაშაულის ჩამდენი სხვა პირების დადგენის მიზნით.