ევროპისა და ევრაზიის საკითხებში აშშ-ის სახელმწიფო მდივნის თანაშემწესთან, ჯიმ ო'ბრაიენთან შეხვედრის შემდეგ, პარტია ახალის ლიდერი ნიკა გვარამია ამბობს, რომ საქართველოს ხელისუფლების მიმართ განხილვაშია "სრული არსენალი, რომელიც არსებობს საერთაშორისო ზეწოლისა და დემოკრატიული ზემოქმედების" თვალსაზრისით.

  • გვარამიამ ასევე, თქვა, რომ ო'ბრაიენთან შეხვედრისას დაურეკეს "იმ ცნობილი ზარით."

ნიკა გვარამია: "უცნაური ამბავი მოხდა, შიგნით რომ ვიყავი დამირეკა ტელეფონმა, იმ ცნობილმა ზარმა. ალბათ, ეგონათ, არ ვუპასუხებდი. ჩავრთე ხმამაღალ რეჟიმზე და ყველამ მოისმინა, რაც ხდებოდა. თარგმანი ცოტა უცნაური იქნებოდა, მაგრამ ძალიან კარგად მიხვდა ყველა."

  • სანქციებთან დაკავშირებით ნიკა გვარამიამ დამატებით დეტალებზე არ ისაუბრა. "რა მოხდება, ამას ვნახავთ, თავადაც გააკეთებენ განცხადებას და მე ვერ დავასწრებ მოვლენებს", — უთხრა ჟურნალისტებს.

ო'ბრაიენთან შეხვედრის შემდეგ, კიდევ ერთმა ოპოზიციონერმა დეპუტატმა, თინა ბოკუჩავამა თქვა, რომ აშშ განიხილავს, დაასანქციროს ბიძინა ივანიშვილი, მისი გარემოცვა და რუსული კანონის მხარდამჭერი ქართული ოცნების დეპუტატები.