მოკლედ: დღეს, 14 მაისს, ქართული ოცნების საპარლამენტო უმრავლესობა რუსულ კანონს პლენარულ სხდომაზე მესამე მოსმენით დაუჭერს მხარს.

  • პლენარული სხდომა 12:00 საათზე დაიწყება.
  • პარლამენტის შენობის ირგვლივ ისევ იკრიბებიან დემონსტრანტები.
  • მათი დიდი ნაწილი იმყოფებოდა პარლამენტის შენობის უკანა შესასვლელთან და იქვე არსებულ სკვერში, თუმცა იქ მობილიზებულმა საპოლიციო ძალებმა კანონის გასაპროტესტებლად მისულ მშვიდობიან მომიტინგეებს მოსთხოვეს, დაეტოვებინათ ადგილი.
  • ამას დემონსტრანტების უკმაყოფილება მოჰყვა და შეძახილები: რუსეთის მონებო, რუსებო.
  • საბოლოოდ, საპოლიციო ძალებმა მათ ადგილი დაატოვებინეს.
  • მოქალაქეები პროტესტს ახლა პარლამენტთანვე, ჭიჭინაძის ქუჩაზე გამოხატავენ.

პარლამენტთან სპეცრაზმის განსაკუთრებული მობილიზებაა. შსს-მ სპეციალური დანიშნულების რაზმები განალაგა თავისუფლების მოედანზეც. იქ წყლის ჭავლის მანქანებიც დგას.

მესამე, საბოლოო მოსმენა ითვალისწინებს კანონპროექტის ტექნიკურ-რედაქციული შინაარსის განხილვას. ამ პროცესის შემდეგ პარლამენტის მესამე მოსმენით მხარდაჭერა კანონპროექტის მიღებას ნიშნავს და ის შემდეგ ხელმოსაწერად საქართველოს პრეზიდენტს გაეგზავნება. ცნობილია, რომ პრეზიდენტი რუსულ კანონს დაადებს ვეტოს, თუმცა, საპარლამენტო უმრავლესობას შეუძლია მისი დაძლევა.

ამავე თემაზე: Freedom House "ოცნების" მაღალჩინოსნების სანქცირებას ემხრობა