რა ხდება: გერმანიის ბუნდესტაგის საგარეო საქმეთა კომიტეტის თავმჯდომარე, მიხაელ როთი თბილისშია.

  • ამის შესახებ ის X-ზე წერს.

დეტალები: გერმანიის საკანონმდებლო ორგანოს წევრი თბილისში ღამით გადაღებულ კადრს აქვეყნებს და საქართველოს მოსახლეობას ქართულ ენაზე ესალმება.

  • ის წერს, რომ თბილისშია, "ევროპის ნამდვილ დედაქალაქში".

როთმა რამდენიმე დღის წინ დაწერა, რომ საქართველოს 13-15 მაისს ეწვეოდა, კოლეგებთან ერთად ევროკავშირის სხვა ქვეყნებიდან.

  • "მოუთმენლად ველით მთავრობის, პარლამენტის, ოპოზიციის და გაბედული სამოქალაქო საზოგადოების აქტივისტებთან შეხვედრას", — დაწერა მაშინ მიხაელ როთმა X-ზე.

მან არაერთხელ გააკრიტიკა საქართველოს ხელისუფლების გადაწყვეტილება, რუსული კანონის მიღების გამო და საქართველოს მოსახლეობას, რომელიც ამ კანონის წინააღმდეგია, მხარდაჭერა გამოუცხადა.