რა ხდება: რადიო თავისუფლების ინფორმაციით, ევროპის დღისადმი მიძღვნილ გალა კონცერტს, რომელიც რუსთაველის თეატრში მიმდინარეობს, მიწვევის მიუხედავად, საქართველოს მთავრობის წევრები არ ესწრებიან.

  • ღონისძიების მასპინძელია ევროკავშირის ელჩი საქართველოში პაველ ჰერჩინსკი.
  • ღონისძიებას ესწრება საქართველოს პრეზიდენტი სალომე ზურაბიშვილი.

ფოტო: ევროკავშირის წარმომადგენლობა საქართველოში

დეტალები: თუ რატომ არ მივიდა ხელისუფლება ღონისძიებაზე, ოფიციალური ინფორმაცია არ ვრცელდება.

თუმცა, კონცერტის პარალელურად, საქართველოს პრემიერ-მინისტრმა განცხადება გაავრცელა.

  • ირაკლი კობახიძე, ევროკავშირის მიერ საქართველოს საგარეო კურსის ცვლილების შესახებ შეშფოთებების მიუხედავად, წერს, რომ ქვეყანა აუცილებლად გახდება ევროკავშირის წევრი, 2030 წლისთვის.
  • "დარწმუნებული ვარ, ყველა სირთულე, რომელიც დღეს ევროკავშირის განვითარებასთან და საქართველო-ევროკავშირის ურთიერთობებთან არის დაკავშირებული, გადაილახება", — წერს კობახიძე.