Microsoft Corp. (MSFT) მსოფლიოში ერთ-ერთი ყველაზე დიდი კომპანიაა, რომელიც 1975 წელს დაარსდა. მისი ბიზნესი კომპიუტერულ მოწყობილობებს, ღრუბლოვან სისტემებს, პროგრამულ უზრუნველყოფასთან დაკავშირებულ პროდუქტებსა და სხვა სერვისებს მოიცავს, რომელთა მომხმარებლებიც როგორც ცალკეული პირები, ისე კომპანიები არიან.

Microsoft-ის მთავარი აქციონერების სია ასე გამოიყურება: სატია ნადელა, ბრადგორდ სმიტი, ქეთლინ ჰოგანი, Vanguard Group Inc., BlackRock Inc. (BLK), და State Street Corp.

ამ კომპანიის ბოლო 12 თვის შემოსავალი 227,58 მილიარდ დოლარს, ხოლო წმინდა შემოსავალი 82,54 მილიარდ დოლარს შეადგენს. ამასთან, კომპანიის საბაზრო კაპიტალიზაცია 3,189 ტრილიონი დოლარია. ამჟამად მისი ერთი აქცია 429,33 დოლარად ივაჭრება.

ტოპ-3 ინდივიდუალური აქციონერი

სატია ნადელა Microsfot-ის აღმასრულებელი დირექტორის პოსტს 2014 წლიდან იკავებს. იგი კომპანიის გუნდს 1992 წელს შეუერთდა. წლების განმავლობაში ნადელა კომპანიაში სხვადასხვა პოზიციაზე მუშაობდა. ბოლო ინფორმაციით, ის კომპანიის მიერ გამოშვებულ 801,331 აქციას ფლობს.

ბრედფორდ სმიტი Microsoft-ის პრეზიდენტი და საბჭოს ვიცე-თავმჯდომარეა, რომელიც მანამდე კომპანიის გენერალური მრჩევლის თანამდებობას იკავებდა. სმიტი ხელმძღვანელობს კომპანიის ინიციატივებს ისეთ მნიშვნელოვან საკითხებზე, როგორიცაა კიბერუსაფრთხოება, კონფიდენციალურობა და გარემოს მდგრადობა. სმიტი Microsoft-ის 570,826 აქციას ფლობს.

კეტლინ ჰოგანი Microsoft-ის აღმასრულებელი ვიცე პრეზიდენტი და ადამიანური რესურსების მთავარი მენეჯერია. ის კომპანიის 220,000-ზე მეტ თანამშრომლის საჭიროებებზე ზრუნავს და ამის პარალელურად ქალთა და საინფორმაციო ტექნოლოგიების ეროვნული ცენტრის საბჭოს წევრიც არის. ჰოგანი კომპანიას 2003 წელს შეუერთდა. ამჟამად იგი Microsoft-ის 159,764 აქციას ფლობს.

ტოპ-3 ინსტიტუციური აქციონერი

Vanguard Group Inc. ამ კომპანიის 664,91 მილიონ აქციას ფლობს, რაც სრულად გამოშვებული აქციების 8,95%-ია. ეს კომპანია მსოფლიოში ერთ-ერთი ყველაზე მსხვილი აქტივების განმკარგველია — შესაბამისად, კომპანიის წილების უმეტესი ნაწილი მისი კლიენტების საკუთრებაა, რომლებსაც საკუთარი ფული Vanguard-ის სხვადასხვა ფონდში აქვთ დაბანდებული. Vanguard-ი ჯამში 7,6 ტრილიონი დოლარის გლობალურ აქტივებს მართავს.

BlackRock Inc. Microsoft-ის 538,94 მილიონ აქციას ფლობს, რაც სრულად გამოშვებული აქციების 7,25%-ია. ეს კომპანია იმ ათასობით ინვესტორის სახელით მართავს ფასიან ქაღალდებს, რომლებიც BlackRock-ის ფონდებში საკუთარ ფულად სახსრებს აბანდებენ. უნდა ითქვას, რომ ჯამში BlackRock-ის პორტფელი 9,4 ტრილიონი დოლარის აქტივებისგან შეგდება.

State Street Corp. Microsoft-ის 297,63 მილიონ აქციას ფლობს, რაც ამ კომპანიის ფასიანი ქაღალდების საერთო რაოდენობის 4,01%-ია. State Street საინვესტიციო მომსახურების გამწევი კომპანიაა, რომელიც ჯამში 3,7 ტრილიონი დოლარის აქტივებს მართავს.

საქართველოს ბანკის მობილბანკში 6000-მდე ცნობილი კომპანიის აქციის შეძენა არის შესაძლებელი. შენც შეგიძლია დაიწყო ინვესტირება ნებისმიერი თანხით და გახდე ისეთი ცნობილი კომპანიების აქციონერი, როგორებიცაა: Apple, Amazon, Microsoft, Tesla, Google და სხვა.

*ეს არ არის ფინანსური რჩევა

თუ ამ სტატიაში განხილული თემებით ხარ დაინტერესებული, შემოგვიერთდი ჯგუფში ინვესტიციები და გაიგე მეტი აქციებით ვაჭრობის შესახებ.