დღეს, 25 ივლისს, ახალციხეში ქმარმა ცოლი დაჭრა. როგორც გამოცემა სამხრეთის კარიბჭე იუწყება, 31 წლის ქალს ცეცხლსასროლი იარაღით მრავლობითი ჭრილობა აქვს მიყენებული.

აღნიშნული ფაქტი On.ge-ის შინაგან საქმეთა სამინისტროში დაუდასტურეს. უწყება აცხადებს, რომ დაშავებული ქალი ახალციხის რეფერალურ ჰოსპიტალში გადაიყვანეს, სადაც მას ოპერაცია ჩაუტარდა.

შინაგან საქმეთა სამინისტროს ინფორმაციით, ბრალდებული სამართალდამცველებმა ცხელ კვალზე, მომხდარიდან მალევე დააკავეს.

გამოძიება სისხლის სამართლის კოდექსის ორი მუხლით დაიწყო: 111 - 117-ე, რაც ოჯახის ერთი წევრის მიერ მეორის მიმართ ჯანმრთელობის განზრახ მძიმე დაზიანებას გულისხმობს და 236-ე, რაც ცეცხლსასროლი აირაღის უკანონო შეძენა–შენახვა–ტარებას გულისხმობს.