რა ხდება: საქართველოს პარლამენტის შენობასთან რუსული კანონის გასაპროტესტებლად ისევ იკრიბებიან მოქალაქეები.

  • პარლამენტთან, 9 აპრილის ქუჩაზე, განსაკუთრებით დიდი რაოდენობის სპეცრაზმი და საპოლიციო ძალებია მობილიზებული.
  • რუსული კანონის გასაპროტესტებლად შეკრებილი არიან შენობის უკანა შესასვლელთანაც.
  • დემონსტრანტები იკრიბებიან პარლამენტის წინ, რუსთაველის გამზირზეც.
  • შინაგან საქმეთა სამინისტრომ გაავრცელა განცხადება, სადაც რუსული კანონის გასაპროტესტებლად შეკრებილებს მოუწოდებს, არ დაუშვან საავტომობილო გზების პარალიზება, არ განახორციელონ კანონსაწინააღმდეგო ქმედებები და არ ისმოდეს მათი მხრიდან მოწოდებები, რომლებიც, შესაძლოა, ძალადობრივი ქმედებების წინაპირობა გახდეს.

კონტექსტი: დღეს, 2024 წლის 1-ელ მაისს, საქართველოს პარლამენტი რუსული კანონი მეორე მოსმენით განიხილავს.

  • საქართველოში რუსული კანონპროექტის კანონად ფორმირების მხარდამჭერია პარტია ქართული ოცნების საპარლამენტო უმრავლესობა.
  • სავარაუდოდ, მეორე მოსმენით კანონპროექტს მხარს დღეს დაუჭერენ.
  • კენჭისყრას წინ უძღვის 2-დღიანი მუხლობრივი განხილვა პლენარულ სხდომაზე.