მოკლედ: თბილისის საქალაქო სასამართლომ, ჯგუფის მიერ, წინასწარი შეთანხმებით, მართლსაწინააღმდეგო მისაკუთრების მიზნით, დიდი ოდენობით თანხის მოტყუებით დაუფლების ფაქტზე, ორი პირი დამნაშავედ ცნო.

  • მათ 6-6 წლით პატიმრობა მიესაჯათ.

დეტალები: პროკურატურის მტკიცებულებებით დადასტურდა, რომ ბრალდებულებმა საქართველოს პროკურატურის თანამშრომლის სახელით ისარგებლეს და დაზარალებულებს დიდი ოდენობით თანხა გამოსძალეს.

  • მსჯავრდადებულებმა ერთ-ერთი კომპანიის წარმომადგენლები, მათ შორის, უცხო ქვეყნის მოქალაქე, დაარწმუნეს, რომ შეეძლოთ, სახელმწიფოს კუთვნილი მიწის ნაკვეთის საინვესტიციო პირობებით საკუთრებაში გადაცემა და საქართველოს მოქალაქეობის მინიჭების საკითხის მოგვარება.
  • სანაცვლოდაც, ბრალდებულები მოტყუებით დაეუფლნენ დაზარალებულთა კუთვნილ 50 000 ლარს და 30 000 აშშ დოლარს.