რა ხდება: მთავრობის ადმინისტრაციასთან ხმაურია, პოლიცია და აქციის მონაწილეები ერთმანეთს დაუპირისპირდნენ.

  • რამდენიმე წუთის წინ განცხადება გაავრცელა შინაგან საქმეთა სამინისტრომ.

დეტალები: უწყება წერს, რომ უკვე მესამე დღეა, აქციების გამო, პოლიცია მობილიზებულია და იცავს საზოგადოებრივ წესრიგს.

  • "მოვუწოდებთ აქციის ყველა მონაწილეს, არ გასცდნენ შეკრების და გამოხატვის თავისუფლების კანონით დასაშვებ ფარგლებს, დაიცვან საზოგადოებრივი წესრიგის ნორმები და დაემორჩილონ პოლიციელთა კანონიერ მითითებებს", — ნათქვამია განცხადებაში.

ისინი, ასევე, მოუწოდებენ აქციის ორგანიზატორებს და პოლიტიკურ ლიდერებს, "არ დაუშვან ძალადობრივი მოწოდებები და უზრუნველყონ, რომ აქციამ ჩაიაროს მშვიდ ვითარებაში":

  • "კანონდარღვევის ნებისმიერი ფაქტი პოლიციის მხრიდან დაუყოვნებლივ იქნება აღკვეთილი და შესაბამისი სამართლებრივი რეაგირება მოჰყვება", — ვკითხულობთ განცხადებაში.

ასევე ნახეთ: მთავრობის ადმინისტრაციასთან აქციის მონაწილეებსა და პოლიციელებს შორის დაპირისპირებაა

განახლება: შსს-მ კიდევ ერთი განცხადება გაავრცელა — მათი თქმით, კანცელარიასთან დაკავებულია 2 პირი.

ისინი "არ დაემორჩილნენ პოლიციის კანონიერ მოთხოვნას, გამოეხატათ პროტესტი მშვიდობიან
ფორმაში".

მათივე ინფორმაციით, ერთ-ერთ დაკავებულს ცივი იარაღი აღმოუჩინეს.

მსგავსი: რატი ამაღლობელი — "ხელისუფლება ახლა ეცდება პროვოკაციებს, არ ავყვეთ"