მოკლედ: ისრაელის არმიამ გუშინ, 7 აპრილს განაცხადა, რომ ამცირებს ჯარისკაცების რაოდენობას სამხრეთ ღაზაში და იქ მხოლოდ ერთ ბრიგადას ტოვებს.

  • მათ ხაზგასმით აღნიშნეს, რომ ღაზაში "მნიშვნელოვანი ძალა" დარჩება.

დეტალები: გაყვანას ასახელებენ როგორც ტაქტიკურ სვლად და ეს არ არის იმისი ნიშანი, რომ შესაძლოა, ომი დასასრულს უახლოვდებოდეს.

  • ისრაელის თავდაცვის ძალების (IDF) სპიკერის, ვიცე-პოლკოვნიკ პიტერ ლერნერის თქმით, ჯარების როტაცია განხორციელდა იმის გამო, რომ სამხედროებმა ხან-იუნისში მისია დაასრულეს.
  • ხან-იუნისი თვეების განმავლობაში იბომბებოდა, ქალაქი და მიმდებარე ტერიტორია, დიდწილად, განადგურებულია.
  • "ომი არ დასრულებულა. ომი შეიძლება დასრულდეს მხოლოდ მაშინ, როდესაც ისინი [მძევლები] სახლში დაბრუნდებიან და როცა ჰამასი გაქრება", — თქვა ლერნერმა.

მისივე განცხადებით, ძალებს სამხრეთით ამცირებენ, თუმცა კიდევ იგეგმება ოპერაციები, რადგან "რაფა ჰამასის დასაყრდენია".

ბოლო ხაზი: უკვე ექვსი თვე გავიდა, რაც ჰამასმა, 7 ოქტომბერს, შეუტია ისრაელის სამხრეთ მდებარე სოფლებს, შედეგად დაიღუპა 1200 ადამიანი და მძევლად აიყვანეს 250-ზე მეტი.

  • ისრაელის ინფორმაციით, ღაზაში 130 ტყვე რჩება, სულ მცირე 34 — გარდაიცვალა.
  • ისრაელის თავდასხმების შედეგად, ღაზაში 33 ათასზე მეტი ადამიანი დაიღუპა. მათი უმეტესობა მშვიდობიანი მოსახლეა.
  • ღაზა შიმშილის ზღვარზეა, Oxfam-ის ინფორმაციით, 300 ათასზე მეტი ადამიანი ჩრდილოეთით არის ჩარჩენილი და დღეში, საშუალოდ, მხოლოდ 245 კალორიას იღებს.