კიდევ ერთხელ გაუსწრო მილიარდერთა სიაში მიხეილ ლომთაძემ ბიძინა ივანიშვილს

რა ხდება: Forbes-ის თანახმად, 5.8 მილიარდს შეადგენს წარმოშობით ქართველი 48 წლის ბიზნესმენის, მიხეილ ლომთაძის ქონება მოცემულ მომენტში.

ამ ქონებით, ის 2024 წლის მსოფლიო მილიარდერთა სიაში 581-ე ადგილზეა.
Forbes-ის მონაცემების თანახმად, ლომთაძე უსწრებს ბიძინა ივანიშვილს, მილიარდერს, ქართული ოცნების საპატიო თავმჯდომარეს, რომელსაც დიდი გავლენა აქვს საქართველოს მოქმედ ხელისუფლებაზე.
მიხეილ ლომთაძის ქონება განსაკუთრებით მზარდია 2022 წლის შემდეგ.
ბიძინა ივანიშვილის ქონება კი, განსაკუთრებით, 2022-2023 წლებში გაიზარდა, 4.9 მილიარდს შეადგენს 2024 წელსაც და Forbes-ის მსოფლიო მილიარდერთა სიაშია 624-ე ადგილზე.

**მიხეილ ლომთაძის ქონება დროის მიხედვით**

ფოტო: Forbes

ბიძინა ივანიშვილის ქონება დროის მიხედვით — **მიხეილ ლომთაძის ქონება დროის მიხედვით**

ფოტო: Forbes

წინაისტორია: ეს არ არის პირველი შემთხვევა, როდესაც მიხეილ ლომთაძემ გაუსწრო ბიძინა ივანიშვილს Forbes-ის რეალურ დროში გამოვლენილი მილიარდერთა სიაში; ასე მოხდა 2021 წელსაც. იმ დროისათვის ლომთაძე 596-ე ადგილს იკავებდა, ივანიშვილი კი, იმავე სიაში, 632-ე ადგილზე იყო.

**2021 წელი, ლომთაძისა და ივანიშვილის პოზიციები ფორბსის მილიარდერთა სიაში**

ფოტო: Forbes

მოკლედ — რა ვიცით მიხეილ ლომთაძის შესახებ: ყაზახური კომპანია Kaspi-ს თანადამფუძნებელია.

Kaspi-ის აქციები ლონდონის საფონდო ბირჟაზე 2020 წელს განთავსდა, აპრილში კი ლომთაძე მილიარდერთა სიას შეუერთდა. Kaspi ყაზახეთში არსებული უმსხვილესი საგადასახადო ფინტექ (ფინანსური ტექნოლოგიების) კომპანიაა, რომელსაც ყოველთვიურად 7 მილიონზე მეტი მომხმარებელი ჰყავს.

ბოლო ამბები:

გირჩევთ