Pink Floyd-ის ალბომის Dark Side of the Moon 50 წლისთავთან დაკავშირებით ანიმაციის კონკურსი გაიმართა, რომლის გამარჯვებულებიც ქართველი რეჟისორი რატი დაბრუნდაშვილი და მხატვარი ნასტასია ნიკიტინა გახდნენ. მათ ჯილდო სიმღერა Brain Damage-ზე გაკეთებული ანიმაციისთვის მოიპოვეს.

ჟიურიმ 10 გამარჯვებული გამოავლინა, რომელთა შორისაც პირველი სამი ადგილის მფლობელებს განსაკუთრებული ნამუშევრებისთვის დიდი ოდენობის ფულადი პრიზი გადაეცათ. პირველი ადგილისთვის რატი და ნასტასია £100 000-ით დაჯილდოვდნენ.

რატიმ და ნასტასიამ ვიდეო გააზიარეს, რომელშიც გამარჯვებულებს აცხადებენ.

"ნასტიამ და მე პირველი ადგილი ავიღეთ Pink Floyd-ის ანიმაციის კონკურსში. ჯერ კიდევ შოკში ვართ…" — წერს რატი.

"სიტყვები არ მყოფნის", — ვკითხულობთ ნასტასიას პოსტში.

არტისტებმა ანიმაცია Pink Floyd-ის მომღერალ სიდ ბარეტის ხსოვნას მიუძღვნეს.

ნახე ანიმაცია აქ: