რა ხდება: კომუნიკაციების კომისიის (comcom) თანახმად, 1 061 767-მა გულშემატკივარმა უყურა საქართველო — საბერძნეთის საფეხბურთო მატჩს საზოგადოებრივი მაუწყებლის პირველი არხის ეთერში, 2024 წლის 26 მარტს.

დეტალები: საზოგადოებრივმა მაუწყებელმა "ისტორიული ტელეეთერი" უწოდა მატჩის პირველ არხზე ჩვენებას.

  • მათი ცნობით, თამაშის ტრანსლირების ტელეყურების მაჩვენებელმა ბაზრის წილის 66% შეადგინა.
  • მილიონზე მეტი სატელევიზიო მაყურებლის პარალელურად, მატჩი ნახა 510 000-მა ინტერნეტის მაყურებელმა, მაუწყებლის ონლაინ სტრიმინგის საშუალებით.

კონტექსტი: საქართველოს საფეხბურთო ეროვნულმა ნაკრებმა, ჩემპიონატის შესარჩევი ეტაპის საპლეიოფო ფინალში, საბერძნეთს მოუგო და ისტორიაში პირველად, ევროპის ჩემპიონატზეა.

  • მოგების აღსანიშნავი ზეიმი, დედაქალაქის და ქვეყნის მასშტაბით, დილამდე გაგრძელდა. მოსახლეობა დროშებით, სიმღერებით, შეძახილებითა და მანქანების სიგნალებით აღნიშნავდა ევრო 2024-ზე საქართველოს ნაკრების გასვლას.
  • 27 მარტს პრეზიდენტ სალომე ზურაბიშვილის გაეგზავნა პრემიერ-მინისტრ ირაკლი კობახიძისა და პარლამენტის თავმჯდომარე შალვა პაპუაშვილის ოფიციალური წარდგინება საქართველოს ნაკრების ფეხბურთელების, მწვრთნელების, ფეხბურთის ფედერაციის ხელმძღვანელობისა და ნაკრების პერსონალის ღირსების ორდენით დაჯილდოების შესახებ.

გაიგე მეტი: 53-კაციანი სია — მათი ღირსების ორდენით დაჯილდოების მოთხოვნით, კობახიძემ პრეზიდენტს მოგებული მატჩის გამო მიმართა