რა ხდება: რუსეთმა უკრაინაზე მასიური შეტევა მიიტანა.

  • აფეთქებების ხმა ისმოდა კიევსა და ლვოვშიც.

დეტალები: შეტევა დედაქალაქზე ადგილობრივი დროით 5 საათზე დაიწყო.

  • უკრაინის შეიარაღებამ განაცხადა, რომ მისი საჰაერო თავდაცვის სისტემები მონაწილეობდნენ თავდასხმის მოგერიებაში.
  • კიევის სამხედრო ადმინისტრაციის ხელმძღვანელმა სერჰიი პოპკომ განაცხადა, რომ ათამდე რუსული რაკეტა განადგურდა დედაქალაქსა და მის მიმდებარედ. მისივე თქმით, თავდასხმების შედეგად მსხვერპლის, ან დიდი ნგრევის შესახებ ინფორმაცია არ გავრცელებულა.
  • კიეველების ნაწილი თავს მეტროსადგურებს აფარებს, ქალაქის მერი მოსახლეობას მოუწოდებს, არ დატოვონ თავშესაფრები.
  • ლვოვის მერმა ანდრეი სადოვიმ ტელეგრამზე დაწერა, რომ ქალაქი არ დაზარალებულა, თუმცა, რეგიონის მიმართულებით, დაახლოებით, 20 რაკეტა და 7 დრონი გაუშვეს, მიზანი კრიტიკული ინფრასტრუქტურა იყო.

ამას გარდა, პოლონეთმა განაცხადა, რომ მისი საჰაერო სივრცეში დააფიქსირეს რუსეთის ფრთოსანი რაკეტა.

"ობიექტი პოლონეთის სივრცეში შევიდა ქალაქ ოსერდოვის მახლობლად. მთელი ფრენის განმავლობაში მას აკვირდებოდნენ სამხედრო სარადარო სისტემები", — ნათქვამია შეიარაღებული ძალების განცხადებაში.