მოკლედ: შინაგან საქმეთა სამინისტროს ინფორმაციით, ნარკოდანაშაულის ბრალდებით 11 პირი დააკავეს.

  • დანაშაული 20 წლამდე ან უვადო თავისუფლების აღკვეთას ითვალისწინებს.

დეტალები: შსს-ს მიხედვით, 11 პირი დააკავეს დიდი და განსაკუთრებით დიდი ოდენობით ნარკოტიკული საშუალებების უკანონო შეძენა-შენახვის და გასაღების მომზადების, მარიხუანას უკანონო შეძენა-შენახვისა და გასაღების, გასაღების მცდელობის, ნარკოტიკული საშუალების შემცველი მცენარის უკანონო დათესვა-მოყვანისა და კულტივირების ფაქტებზე.

  • დაკავებულებს შორის არიან, როგორც საქართველოს, ასევე, უცხო ქვეყნის მოქალაქეები.
  • შსს-ს გამოძიებით დადგინდა, რომ უცხო ქვეყნის მოქალაქე აპლიკაცია ტელეგრამს ნარკოტიკების სარეალიზაციოდ იყენებდა.
  • ერთ-ერთ ბრალდებულს კი, ნარკოტიკული საშუალების შემცველი მცენარე "კანაფი" საცხოვრებელ სახლში, სპეციალურ სათბურებში მოჰყავდა.

ბოლო ხაზი: შინაგან საქმეთა სამინისტრო აცხადებს, რომ დაკავებულების პირადი და საცხოვრებელი სახლების ჩხრეკისას, ნივთმტკიცებად ამოიღო 20 შეკვრა ნარკოტიკული საშუალება "ალფა პვპ", "ბუპრენორფინი" და "მარიხუანა", ასევე, ნარკოტიკული საშუალების შემცველი მცენარე "კანაფი".

ოპ-ედი: დრაკონული ნარკოპოლიტიკის ტყვეობაში