დაფიქრებულხართ, რა პროცესები მიმდინარეობს ცეცხლის ანთების ან ჩაქრობის დროს? ის თუ იცით, რომ ცეცხლი შეგვიძლია, სითბოს წყაროს, მაგალითად სანთებელასა და ასანთის, გარეშეც მივიღოთ? ამ ყველაფერს წვის მეცნიერება ხსნის, რომლის შესახებაც მარი ქვარაია, ქიმიის მასწავლებელი, გვესაუბრება.

ვიდეოში, რომელიც პროექტის "STEM მარტივად" ფარგლებშია მომზადებული, ის ცეცხლის ანთების ქიმიურ მეთოდებს გვასწავლის და იმასაც აგვიხსნის, თუ როგორ მუშაობს თითოეული მათგანი. რა თქმა უნდა, ამას ექსპერიმენტების მეშვეობით გვაჩვენებს, რომლებიც აალების პროცესს მოჰფენს ნათელს.