მოკლედ: მამუკა მდინარაძე, საპარლამენტო უმრავლესობის ლიდერის სტატუსთან ერთად, ფრაქცია ქართული ოცნების თავმჯდომარის თანამდებობასაც შეითავსებს.

  • ამის შესახებ პარლამენტის პრესსამსახურის მიერ გავრცელებულ ინფორმაციაშია ნათქვამი.

დეტალები: ფრაქციის თავმჯდომარე, ამ დრომდე, რატი იონათამიშვილია.

  • იონათამიშვილი, ამ თანამდებობიდან გათავისუფლების შემდეგ, ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე გახდება, თუ პარლამენტი მას მხარს დაუჭერს.
  • ამ საკითხს პლენარულ სხდომაზე კენჭს მიმდინარე კვირას უყრიან.

ბოლო ხაზი: ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე მიხეილ სარჯველაძე იყო.

  • ის ირაკლი კობახიძემ, 11 მარტს, ჯანდაცვის მინისტრად დანიშნა.