მოკლედ: დღეს, 17 მარტს, თბილისში, პირველი სკოლის წინ, რუსმა აქტივისტებმა საპროტესტო აქცია-მსვლელობა გამართეს, სადაც განაცხადეს რომ "არ აღიარებენ პუტინის პრეზიდენტობას" და "კმარა პუტინის ტყუილები და რეპრესიები".

  • აქციის ორგანიზატორები არიან ფონდი თავისუფალი რუსეთი და საქართველოში მცხოვრები რუსი აქტივისტები.

დეტალები: ამ აქციით მონაწილეები შეუერთდნენ კამპანიას "შუადღე პუტინის წინააღმდეგ", რომელიც მოსკოვში და რუსეთის სხვა ქალაქებში მიმდინარეობს.

  • კამპანიის ინიციატორი გარდაცვლილი რუსი ოპოზიციონერის, ალექსეი ნავალნის ცოლი, იულია ნავალნაიაა, რომელმაც 6 მარტს, რუსეთის მოსახლეობას მოუწოდა, არჩევნების დღეს, მასობრივი საპროტესტო აქცია გაემართათ — ხმა მიეცათ ვლადიმერ პუტინის წინააღმდეგ, ან გაეფუჭებინათ ბიულეტენები.

ბოლო ხაზი: 15, 16 და 17 მარტს რუსეთში საპრეზიდენტო არჩევნები იმართება.

  • საპრეზიდენტო არჩევნების კენჭისყრის შედეგად, ეჭვგარეშეა, რომ ვლადიმირ პუტინი ხელისუფლებაში ყოფნას კიდევ 6 წლით გაახანგრძლივებს.

გაიგე მეტი: რუსეთში, სულ მცირე, 15 სისხლის სამართლის საქმე აღიძრა საარჩევნო პროცესის ხელის შეშლის მუხლით