გრინვეი აკადემიასა და საქართველოს ტექნიკურ უნივერსიტეტს შორის მემორანდუმი გაფორმდა. გრინვეი აკადემია USAID-ის პროგრამის დამსაქმებლები პროფესიული განათლებისთვის მხარდაჭერით მომზადებული პროფესიული, ელექტრონული პლატფორმაა.

საქართველოს ტექნიკურ უნივერსიტეტთან თანამშრომლობის საფუძველზე, გრინვეი აკადემია მხარს უჭერს სტუ-ს პროექტს კვლევებისა და ინოვაციების მხარდაჭერის პროგრამას საწარმოო ბიზნესთან თანამშრომლობის სტიმულირებისა და გაუმჯობესებისათვის საინჟინრო განათლებაში. მისი მიზანია განათლებაში დამსაქმებლის მონაწილეობის უზრუნველყოფა და შრომის ბაზარზე კვალიფიციური სამუშაო ძალის მომზადების ხელშეწყობა.

ფოტო: გრინვეი

აღნიშნული თანამშრომლობის საფუძველზე, გრინვეი აკადემია თავის მხრივ უზრუნველყოფს სტანდარტიზებული ტრენინგის მიწოდების გაუმჯობესებას და სასწავლო მოდულების ეროვნული ავტორიზაციის მიმართულებით შემუშავებას.

მნიშვნელოვანია, რომ გლობალური პარტნიორების მხარდაჭერით შემუშავდა სალექციო კურსი უახლესი პროფესიული მასალებით, ვიდეო ინსტრუქციებითა და შეიქმნა ინოვაციური სასწავლო, ელექტრონული პლატფორმა. პლატფორმის მთავარი მიზანი ახალ პროფესიაში კადრების უმაღლესი სტანდარტით სწავლება, გადამზადება და ატესტაციაა. აღნიშნული სასწავლო პროგრამა ბაზარზე კიდევ უფრო აამაღლებს ტექინსპექტირების სტანდარტს და შესაბამისად უმნიშვნელოვანესი პროექტია დარგისთვის.

ფოტო: გრინვეი

შესაბამისად, საქართველოს ტექნიკურ უნივერსიტეტთან გაფორმებული მემორანდუმის ფარგლებში, გრინვეი აკადემია იღებს პასუხისმგებლობას სტუდენტებსა და კურსდამთავრებულებს მიაწოდოს ინფორმაცია მიმდინარე ვაკანსიების შესახებ, აგრეთვე შესთავაზოს მათ პრაქტიკა, სტაჟირება, შემდგომში დასაქმების პერსპექტივით.