კლიმატის ცვლილება თანამედროვე მსოფლიოს ერთ-ერთი ყველაზე მნიშვნელოვანი გამოწვევაა, რომელიც ჩვენს ყოველდღიურობაში არაერთი უსიამოვნო შედეგით ვლინდება. მათ შორისაა გლობალური ტემპერატურის მატება, ბუნებრივი კატასტროფების სიხშირისა თუ ინტენსივობის ზრდა, თბური ტალღები, ტყეებისა და ეკოსისტემების განადგურება, ზღვის დონის აწევა...

მოდი, ვნახოთ, რამდენად გაქვს საიმისო უნარები, რომ კლიმატის კრიზისისგან გამოწვეულ ამ პრობლემებს გაუმკლავდე და ჩვენს პლანეტაზე ცოცხალი დარჩე:

ზოგადით დავიწყოთ, როგორ უმკლავდები სტრესულ სიტუაციებს?

• ნამდვილი სუპერმენი ვხდები და, რაც არ უნდა იყოს, ყველა პრობლემას ვაგვარებ!
• რაც შემიძლია, იმას ვაკეთებ და მეტ-ნაკლებად ვუმკლავდები
• სტრესული სიტუაციები რაღაა?
• ვერ ვუმკლავდები.

რა რეაქცია გექნება, თუ გეტყვი, რომ კლიმატის კრიზისი შენს სიცოცხლეს უქმნის საფრთხეს?

• დავინტერესდები, რა საფუძველი აქვს ამას და რისკების შემცირებას ვეცდები
• ვიცი, რომ მართალია, მაგრამ არ მომეწონება ამაზე ფიქრი და ყურადღებას სხვა რამეზე გადავიტან
• სასაცილოდაც არ მეყოფა

ცხოველები თუ გიყვარს? — კლიმატის ცვლილება ფაუნასაც უქმნის საფრთხეს.

• ადამიანებზე მეტად!
• კი, საკმაოდ
• არც ისე

როგორ უძლებ სიცხეს ზაფხულობით, როცა ყოველ წელს უფრო და უფრო ცხელა?

• ჩემი ორგანიზმი პაპანაქება სიცხისთვისაა შექმნილი და მშვენივრად ვარ!
• უენერგიო და უსიცოცხლო ვხდები
• დღისით ღამის მოსვლას ვნატრობ, ღამით კი — ზაფხულის გასვლას
• ცუდად ვარ და ყველანაირად ვცდილობ თავის გაგრილებას

რას იზამდი, სულ რომ ისეთი სიცხე ყოფილიყო, როგორიც ზაფხულობით არის?

• საკითხს კარგად შევისწავლიდი და მაქსიმალურად ვეცდებოდი, პლანეტის გაგრილებაში შემეტანა წვლილი
• ყველა ოთახს კონდიციონერით გავაგრილებდი
• პლანეტიდან გაქცევაზე ვიზრუნებდი
• შემდეგი შეკითხვა, თუ შეიძლება!

კლიმატის კრიზისი, გარდა გაუსაძლისი სიცხისა, საკვები პროდუქტების შემცირებასაც გამოიწვევს. როგორ გაუმკლავდები ამ პრობლემას?

• მშვენივრად, მე ხომ ისედაც ჰაერით ვიკვებები?!
• ყველაფერს ვიზამ, რომ პროდუქტის წარმოების ალტერნატიულ გზებს მივაგნოთ
• კანიბალი გავხდები და თანამოძმეებს შევჭამ

გაუტყეურება კლიმატის კრიზისის თანმდევი მნიშვნელოვანი პრობლემაა. როგორ მოქმედებს შენზე ბუნებისგან შორს ყოფნა?

• ვერ ვიტან ბუნებას და სულაც არ მოქმედებს
• თავს უსიცოცხლოდ და უენერგიოდ მაგრძნობინებს
• მხოლოდ ბუნებაში გასვლის შემდეგ ვხვდები ხოლმე, რომ სწორედ ეს მაკლდა!

როგორ მოიქცევი, თუ ჯერაც შემორჩენილ ტყეში ხარ და არსაიდან ხანძარი გაჩნდა?

• მის ლოკალიზებას/ჩაქრობას ერთპიროვნული ძალებით შევეცდები
• უკანმოუხედავად გავიქცევი და არსად ვიტყვი, რომ მე არ დამბრალდეს
• გავიქცევი და, როგორც კი შევძლებ, სახანძრო სამსახურში დავრეკავ

კლიმატის კრიზისი ზღვის დონეს მაღლა სწევს — რამდენად ახლოს ცხოვრობ ზღვასთან?

• ზღვისპირა ქალაქში ვცხოვრობ, ზღვასთან საკმაოდ ახლოს
• ზღვასთან არც ისე ახლოს ვარ
• ზღვისგან საკმაოდ შორს ვცხოვრობ

კურორტზე ისვენებ და მეწყერში მოჰყევი. როგორ მოიქცევი?

• თუ გადავრჩი, ყველაფერს ვიზამ უსაფრთხო ადგილამდე მისაღწევად
• თუ გადავრჩი, ტელეფონს მოვძებნი შველის სათხოვნელად
• თუ გადავრჩი, ვეცდები სხვებიც გადავარჩინო

დაბოლოს, როგორ ფიქრობ, რისი გაკეთება შეგიძლია, რომ ზემოთ ჩამოთვლილი სიტუაციების რისკი შემცირდეს?

• ეკომეგობრული გადაწყვეტილებების მიღება
• ნარჩენების შემცირება
• ელექტროენერგიის დაზოგვა
• საზოგადოების ცნობიერების ამაღლებაზე ზრუნვა
• მასშტაბური ცვლილებების ადვოკატირება
• ყველა ზემოთ ჩამოთვლილი
• ვფიქრობ, სრულიად უძლური ვარ.

მასალა შექმნილია გაერთიანებული სამეფოს მთავრობის მხარდაჭერით მიმდინარე, ვესტმინსტერის დემოკრატიის ფონდის პროგრამის "გარემოს დაცვის, კლიმატის ცვლილებისადმი მედეგობის და დემოკრატიული მდგრადობის ხელშეწყობა საქართველოში" ფინანსური მხარდაჭერით. მის შინაარსზე პასუხისმგებელია NEXT.On.ge. მასალაში გამოთქმული მოსაზრებები, შესაძლოა, არ ასახავდეს WFD-ის შეხედულებებს.