თბილისში, აღმაშენებლის გამზირზე, რკინიგზელთა კულტურის სახლის წინ უთანასწორობის, ძალადობისა და ჩაგვრის წინააღმდეგ ქალთა მარში რამდენიმე წუთის წინ დაიწყო.

"რამდენიმე დღის წინ ჩატარდა "ქართველთა მარში", რომელთა წევრებმაც ქვეყანაში არსებული რეალური სოციალურ-ეკონომიკური პრობლემების წინ წამოწევის ნაცვლად, ღიად დაიწყეს ფაშისტური განცხადებების გაჟღერება, მათი ქსენოფობიური და რასისტული მოწოდებები მალევე გადაიზარდა კონკრეტულ ქალებზე ჯგუფური ძალადობისა და გაუპატიურების მუქარაში" - აცხადებდნენ ქალთა მოძრაობის წევრები.

მათი თქმით, მათ ვერ გააჩუმებს მუქარა და სიძულვილი, ჩაგვრა და ძალადობა. აქციას აშუქებენ On.ge-ს ჟურნალისტები. გთავაზობ პირდაპირ ეთერს აქციიდან.

რამდენიმე დღის წინ, 16 ივლისს გაეროში საქართველოს ახალგაზრდობის წარმომაგენელის, თათია დოლიძის მიმართ "ქართველთა მარშის" ორგანიზატორები და მონაწილეები, ფეისბუკზე სექსუალური ძალადობის შინაარსის კომენტარებს წერდნენ, რომლებიც მუქარად აღიქმებოდა. საქმეზე გამოძიებაც დაწყებულია.