მეწარმე ქალთა განვითარების პროგრამაში მონაწილეობისას მივხვდი, გეზი საითკენ უნდა ამეღო — გაიცანით ქარგე
ქალთა ეკონომიკური გაძლიერება და გენდერული თანასწორობის მხარდაჭერა როგორც საერთო საზოგადოებრივი კეთილდღეობის, ისე ბიზნესსექტორის განვითარების ერთ-ერთი მნიშვნელოვანი კომპონენტია. სწორედ ამ მიზნით საქართველოს ბანკი გაეროს განვითარების პროგრამისა (UNDP) და შვედეთის მთავრობის პარტნიორობით მეწარმე ქალთა განვითარების პროგრამას წელსაც აგრძელებს და მცირე თუ დიდ მეწარმე ქალებს განვითარების ახალ შესაძლებლობებს სთავაზობს. მეწარმე ქალთა განვითარების პროგრამის მონაწილეები 2 თვის განმავლობაში ტრენინგებს ესწრებიან, სფეროს ექსპერტებს ხვდებიან და მიღებული თეორიული ცოდნის პრაქტიკაში გამოყენებასაც აქტიურად სწავლობენ. პროგრამა უკვე 100-ზე მეტ მეწარმე ქალს დაეხმარა იმაში, რომ იდეა ბიზნესად ექცია ან უკვე არსებული ბიზნესი განევითარებინა.
ბრენდ ქარგეს შემქმნელი ნინო ბართია მეწარმე ქალთა პროგრამის ერთი-ერთი წარმატებული მონაწილეა. ქარგე, რომელიც სულ რაღაც 1 წელია, რაც ბაზარზე გამოჩნდა, დღეს 18 დიზაინის საქარგ ნაკრებს აერთიანებს. მომხმარებლებს მისი შეძენა თბილისის, ქუთაისის, ბათუმის და ფოთის მასშტაბით 10-მდე ლოკაციაზე შეუძლიათ, რასაც ონლაინ გაყიდვებიც ემატება. ნინომ წარმატებულ ბიზნესად თავისი საყვარელი ხელსაქმე აქცია და წინ კიდევ დიდი გეგმები აქვს.
"ბავშვობიდან ვქარგავ და შეიძლება ითქვას, ხელსაქმე ჩემი ცხოვრების განუყოფელი ნაწილია. მეგობრებისთვის, თანამშრომლებისთვის და საყვარელი ადამიანებისთვის მათზე ინდივიდუალურად მორგებულ მინიატიურულ ნაქარგებს ვქარგავდი, ვჩუქნიდი და ისინიც მუდამ აღფრთოვანებულები იყვნენ. გაოცების შემდეგ მუდმივად მეკითხებოდნენ, თავადაც თუ შეძლებდნენ ასე მოქარგვას. ბევრმა ასეთმა შემთხვევამ გადამაწყვეტინა შემექმნა პროდუქტი, რომელიც დაეხმარებოდა ქარგვის მსურველებს შემდეგი მიმართულებებით: პირველი ნაბიჯი გადაედგათ ამ მიმართულებით — მოექარგათ საკუთარი თავისთვის ან სხვისთვის საჩუქრად; მალევე დაენახათ შედეგი, რამაც განაპირობა მინიატიურულ ნაქარგებზე კონცენტრაცია; და საბოლოო შედეგით ტკბობისთვის ჩარჩოზე სირბილი, შერჩევა, შეკვეთა აღარ დასჭირვებოდათ", — ამბობს ნინო ბართია.
როგორც ქარგეს შემქმნელი აღნიშნავს, მუდმივად თვალს ადევნებს და ერთვება სხვადასხვა ტიპის ტრენინგებსა თუ პროგრამებში, რომლებიც საქმიანობის სწორი მიმართულებით წაყვანაში დაეხმარება. ერთ-ერთი ასეთი კი სწორედ მეწარმე ქალთა განვითარების პროგრამა აღმოჩნდა, რომლის შესახებაც ნინომ სოციალური ქსელებიდან გაიგო. პროგრამის ბენეფიტებიდან გამომდინარე კი, დარეგისტრირებაც მალევე გადაწყვიტა.
“პერიოდულად, ყოველდღიური რუტინიდან გამოსვლა და საკუთარი საქმიანობის დიდ სურათში დანახვა ბიზნესის სწორი განვითარებისთვის უმნიშვნელოვანესია. სწორედ ამის შესაძლებლობა მომცა მეწარმე ქალთა განვითარების პროგრამამ. გარკვეული პროცესები სხვა თვალით დავინახე და მივხვდი, გეზი საითკენ უნდა ამეღო. გარდა ამისა, გავიცანი ძალიან საინტერესო ადამიანები: მენტორები, ორგანიზატორები და რაც მთავარია, მონაწილეები — ძლიერი ქალები ძლიერი იდეებით. მეწარმე ქალებს გვაქვს ხოლმე ერთმანეთის მხარდაჭერის უდიდესი სურვილი და ეს სულისკვეთება თითოეულ ჩვენგანს წარმატების მიღწევაში ჯამურად კიდევ უფრო გვეხმარება”, — აღნიშნა ნინო ბართიამ.
ასეთია ნინო ბართიას შთაბეჭდილებები მეწარმე ქალთა პროგრამის შესახებ, რომელიც თითოეულ მონაწილეს 360°-იან მხარდაჭერას სთავაზობს — იდეიდან ბიზნესის წარმატებამდე. ამ მიზნის მისაღწევად, პროგრამა ოთხ ძირითად ღირებულებას ემყარება: ცოდნას, მხარდაჭერას, გამოცდილებასა და თანამშრომლობას. 2-თვიანი პროგრამა უზრუნველყოფს, რომ მეწარმე ქალებმა ახალი უნარები ოთხივე მიმართულებით შეიძინონ, სამომავლოდ კი დაფინანსების მოპოვება თუ ახალი პარტნიორების შეძენა მარტივად შეძლონ. პროგრამის პერიოდში მიღებული ცოდნის, გამოცდილებისა და მხარდაჭერის შესახებ ნინო ბართიამაც გვესაუბრა.
"პროგრამა რამდენიმე ნაწილისგან შედგება: თავდაპირველად ჩვენ გავიარეთ რამდენიმე მინი კურსი ონლაინ, რომელსაც საქართველოს ბანკი მსურველებს სრულიად უფასოდ სთავაზობს (აქვე უდიდესი მადლობა აღნიშნული კურსების შექმნისთვის და ამ შესაძლებლობებისთვის). შემდგომ გვქონდა რამდენიმედღიანი ძალიან საინტერესო სესიები სხვადასხვა მიმართულებით, სადაც დარგის ექსპერტები გვიზიარებდნენ საკუთარ გამოცდილებას, რაც ძალიან მნიშვნელოვანი კომპონენტია. უშუალოდ ტრენინგების დასრულების შემდგომ კი, საჭიროების შემთხვევაში, მენტორებთან პირადი კონსულტაციის გავლა შეგვეძლო. პროგრამის ფარგლებში, მუდმივად იგრძნობოდა ჩვენი გაძლიერებისა და მხარდაჭერის უდიდესი სურვილი კომუნიკაციის თითოეულ ეტაპზე, რისიც განსაკუთრებით მადლობელი ვარ. ხშირად თუნდაც სიტყვიერი მხარდაჭერა და დადებითი უკუკავშირი გადამწყვეტ როლს თამაშობს იმაში, რომ ქალებმა ვირწმუნოთ ჩვენი ძალების და არ გავჩერდეთ", — ამბობს ნინო ბართია.
განვითარების მსგავსი შესაძლებლობები ახლა სხვა მეწარმე ქალებსაც აქვთ, რადგან პროგრამაზე რეგისტრაცია უკვე დაიწყო. პროფესიული ზრდის პირველი ნაბიჯები სწორედ ცოდნის შეძენითა და პროფესიონალებთან ურთიერთობით იწყება, ამიტომ თუ საკუთარი ბიზნეს იდეის ან უკვე არსებული წარმოების განვითარება გსურთ, პროგრამაზე დარეგისტრირება არ უნდა გადადოთ. ხოლო რატომ არის მნიშვნელოვანი ნებისმიერი მეწარმე ქალისთვის პროგრამაში მონაწილეობა, ამის შესახებ ნინო ბართია თავის აზრს გვიზიარებს:
"მსგავსი პროგრამების არსებობა უმნიშვნელოვანესია ქალების ეკონომიური გაძლიერებისთვის და გენდერული ბალანსის აღსადგენად. მჯერა, რომ მეწარმე ქალების კომუნის შექმნის ხელშეწყობას იმაზე დიდი შედეგების მოტანა შეუძლია საზოგადო კეთილდღეობისთვის, ვიდრე ეს თავად წარმოგვიდგენია. სწორედ ამიტომ, პირადად მე უდიდეს რეკომენდაციას ვუწევ მეწარმე ქალთა განვითარების პროგრამას და ვცდილობ, დამწყებ მეწარმეებს გავუზიარო ინფორმაცია პროგრამის შესახებ, რათა მასში მონაწილეობის მიღების სურვილი და მოტივაცია მათაც გაუჩნდეთ", — განაცხადა ნინო ბართიამ.
-
-
გადახედვასანქციები, სავიზო შეზღუდვების გაფართოება, პირდაპირი დაფინანსების შეწყვეტა — რა წერია ამერიკელი სენატორების წერილში, რომელიც კობახიძეს გაუგზავნეს სანქციები, სავიზო შეზღუდვების გაფართოება, პირდაპირი დაფინანსების შეწყვეტა — რა წერია ამერიკელი სენატორების წერილში, რომელიც კობახიძეს გაუგზავნეს
-
გადახედვამელანომის პირველ ინდივიდუალიზებულ ვაქცინას უკვე ასობით ადამიანზე ცდიან მელანომის პირველ ინდივიდუალიზებულ ვაქცინას უკვე ასობით ადამიანზე ცდიან
-
გადახედვაSETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ SETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ
-
გადახედვაამომავალი ვარსკვლავები — გიორგი გიგაშვილი პრესტიჟული ევროპული პროგრამის გამარჯვებულია ამომავალი ვარსკვლავები — გიორგი გიგაშვილი პრესტიჟული ევროპული პროგრამის გამარჯვებულია
-
გადახედვამეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს მეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს
-
-
-
-
გადახედვაილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ ილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ
-
-
-
გადახედვამკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს მკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს
-
გადახედვა29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს 29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს
-
-
გადახედვაკობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა კობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა
-
გადახედვა"ობობები" მარსზე — რატომ ჩნდება წითელ პლანეტაზე სეზონური მუქი ლაქები "ობობები" მარსზე — რატომ ჩნდება წითელ პლანეტაზე სეზონური მუქი ლაქები
-
-
გადახედვაალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო ალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო
-
გადახედვაზენდეია სპაიდერმენის შეყვარებულებიდან მესამეა, რომელმაც ჩოგბურთელის როლი მოირგო ზენდეია სპაიდერმენის შეყვარებულებიდან მესამეა, რომელმაც ჩოგბურთელის როლი მოირგო
-
გადახედვა18-წლიანი პატიმრობა მიესაჯა პირს, რომელმაც ყოფილი ცოლი დაჭრა, მისი ქმარი კი მოკლა 18-წლიანი პატიმრობა მიესაჯა პირს, რომელმაც ყოფილი ცოლი დაჭრა, მისი ქმარი კი მოკლა
კომენტარები