10 მარტივი გზა, როგორ აქციო 29 თებერვალი დასამახსოვრებელ დღედ
და აი, მორიგი 29 თებერვალიც დადგა. ნაკიანი წლების ეს საფირმო თარიღი ზოგიერთისთვის ზედმეტი დღეა, ზოგისთვისაც — ერთი რიგითი დღე. თუმცა, რადგან ფრაზას "დღეს 29 თებერვალია" მხოლოდ ოთხ წელიწადში ერთხელ თუ მოისმენ, ამ თარიღს ზედსართავებიდან ყველაზე მეტად "განსაკუთრებული" შეეფერება ალბათ. ასეთ დღეს კი კარგი იქნებოდა, ჩვენც რაღაც განსაკუთრებული გაგვეკეთებინა და 29 თებერვალი ჩვეულებრივ თარიღად კი არ დაგვეტოვებინა, დასამახსოვრებელ მოგონებად გვექცია.
1. საფუძველი ჩაუყარე ახალ "ტრადიციას"
პატარ-პატარა ტრადიციები ჩვენს ყოველდღიურობას უფრო საინტერესოს ხდის. მაგალითად, დილას თუ აქამდე მუსიკით არ იწყებდი, აბა, ცადე, იქნებ ასე უკეთესია? ან, მოდი, საღამოთი რამე გემრიელი ნამცხვარი თავად გამოაცხვე და ეს ყოველკვირეულ ტრადიციად აქციე. მოკლედ, დაკავდი შენთვის სასურველი ნებისმიერი აქტივობით, რომელიც მერე იშვიათ დღეს, 29 თებერვალს ჩამოყალიბებულ ტრადიციად იქცევა.
2. ახალი ჰობი გაიჩინე
ტრადიცია ვახსენეთ და თუ გახსოვს, ბოლოს ახალი ჰობი როდის გქონდა? თუ არ გახსოვს, არა უშავს. 29 თებერვალი ხომ ასევე შესანიშნავი დღეა, რამე ახალი ჰობი გაიჩინო: თუნდაც ცხობა, ფოტოგრაფია (29 თებერვლის დაისის გადაღებით დაიწყე) ან სულაც ორიგამი... საინტერესო ჰობების იდეების ჩამონათვალი უსასრულოა.
3. დაიწყე დღიურის წარმოება
წერა თუ აქამდე შენი ჰობი ან ტრადიცია არ ყოფილა, აუცილებლად უნდა გამოასწორო ეს ამბავი. ნუ იფიქრებ, რომ დღიურის წარმოება მხოლოდ შენი ყოველდღიურობის აღწერაა: წერა, პირველ რიგში, გეხმარება, გამოათავისუფლო სათქმელი, ნაფიქრალი, გულისნადები — რაც გინდა, ის დაარქვი. წერისთვის განსაზღვრული წესები არც არსებობს, მაგრამ თუ უფრო მეტად დაინტერესდები, რა შეიძლება წერო და როგორ დაგეხმარება ეს, ჩვენი სხვა სტატია წაიკითხე.
4. მისწერე წერილი საკუთარ თავს მომდევნო 29 თებერვლისთვის
ოთხი წელიწადი, ერთი შეხედვით, არცთუ დიდი დროა, მაგრამ ამ პერიოდში უამრავი რამ შეიძლება შეიცვალოს შენს ცხოვრებაში — მათ შორის, ინტერესები, გატაცებები, ოცნებები და ჰობებიც. ასე რომ, კარგი იქნებოდა, ერთგვარი "დროის კაფსული" შეგექმნა წერილის სახით; მისწერე წერილი მომავალ ნაკიან წელიწადში მყოფ საკუთარ თავს და მოუყევი ყველაფერი, რასაც საჭიროდ ჩათვლი. ეს წერილი საგულდაგულოდ გადაინახე მომდევნო 29 თებერვლისთვის, მაგრამ მთლად ისეც ნუ იზამ, მისი ადგილმდებარეობა ან არსებობა დაგავიწყდეს.
5. შეიტანე სიახლე რუტინულ საქმეში
29 თებერვალი შეიძლება შენს სამუშაო დღეს დაემთხვეს კიდეც, მაგრამ ეგ არაფერი. ამ დღეს შეგიძლია დარწმუნდე, რომ რუტინული საქმეებიც სხვაგვარი შემართებით ან განწყობით შეიძლება აკეთო. მაგალითად, სახლის დალაგებისას ადგილი უცვალე ავეჯს — ეს შენი ბინის ინტერიერში სიახლის განცდასაც შეიტანს. აი, სამსახურიდან სახლისკენ მომავალმა კი, თუ გინდა, ყვავილებიც იყიდე ამ სიახლის უფრო გამოსაკვეთად.
6. იყიდე ოთახის მცენარე
ყვავილები ვახსენეთ და მოდი, დალპობისთვის განწირული თაიგულის ნაცვლად ცოცხალი მცენარე იყიდე შენი ოთახისთვის. ეს ახალი წლის გეგმების ერთ-ერთ იდეადაც შემოგთავაზეთ და თუ აქამდე ვერაფრით მოაბი თავი, 29 თებერვალი ზედგამოჭრილი თარიღია ფლორის სამყაროდან ახალი მეგობრის გასაჩენად.
7. გასინჯე უცხო კერძი
სახლისკენ გზაზე, ყვავილების მაღაზიიდან სასურსათო მარკეტში შეგიძლია გადახვიდე (ან პირიქით, როგორც გირჩევნია) და ვახშმად ისეთი კერძი შეარჩიო, რომელიც აქამდე არ გაგისინჯავს. პირველად გასინჯვის ამ ისტორიულ დღეს კი შენს ცხოვრებაში შესაფერისი თარიღიც ექნება — 29 თებერვალი.
8. დააყენე საშველი იმ საქმეს, ამდენი ხანი რომ გარს უვლიდი
ვარცხნილობის შესაცვლელად, ჯანსაღი კვების და ვარჯიშის დასაწყებად, ან მოწევისთვის თავის დასანებებლად ნიშანს თუ ელოდებოდი, აი, ეს ნიშანიც — იშვიათი თარიღი კარს მოგდგომია. 29 თებერვალს ასევე შეგიძლია დაიწყო იმ წიგნის კითხვა, ბოლო სამი წელი თაროზე რომ იმტვერებოდა ან უყურო იმ ფილმს, მეგობარს ყოველ ჯერზე რომ ჰპირდებოდი, ამ უქმეებზე უეჭველი ვნახავო.
9. გახსენი ყულაბა
ვიცი, ჩვენს რეალობაში დანაზოგის გაკეთება ადვილი არაა, მაგრამ ცადე და გახსენი ყულაბა; მნიშვნელობა არ აქვს, რამდენად დიდი მიზანი გაქვს — ან გაქვს თუ არა საერთოდ კონკრეტული მიზანი — თუნდაც მცირედი დანაზოგისთვის თვალის შევლება მომავალში უთუოდ გაგახარებს. თან, არც დაგავიწყდება, როდის დაიწყე დაგროვება.
10. გაანებივრე საკუთარი თავი
დაბოლოს: ყოველდღიურ რუზრუზში გართულს, ხშირად გვავიწყდება, რომ საკუთარ თავზე ზრუნვა ძალიან, ძალიან მნიშვნელოვანია. 29 თებერვლისნაირი ახირებული, განსაკუთრებული თარიღი კი ამის შესახსენებლადაც გამოდგება. ასე რომ, დღის მიწურულს სინანულის გარეშე შეგიძლია განცხრომას მიეცე.
-
-
გადახედვასანქციები, სავიზო შეზღუდვების გაფართოება, პირდაპირი დაფინანსების შეწყვეტა — რა წერია ამერიკელი სენატორების წერილში, რომელიც კობახიძეს გაუგზავნეს სანქციები, სავიზო შეზღუდვების გაფართოება, პირდაპირი დაფინანსების შეწყვეტა — რა წერია ამერიკელი სენატორების წერილში, რომელიც კობახიძეს გაუგზავნეს
-
-
გადახედვამელანომის პირველ ინდივიდუალიზებულ ვაქცინას უკვე ასობით ადამიანზე ცდიან მელანომის პირველ ინდივიდუალიზებულ ვაქცინას უკვე ასობით ადამიანზე ცდიან
-
გადახედვაSETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ SETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ
-
გადახედვაამომავალი ვარსკვლავები — გიორგი გიგაშვილი პრესტიჟული ევროპული პროგრამის გამარჯვებულია ამომავალი ვარსკვლავები — გიორგი გიგაშვილი პრესტიჟული ევროპული პროგრამის გამარჯვებულია
-
გადახედვამეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს მეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს
-
-
-
გადახედვაილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ ილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ
-
-
გადახედვამკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს მკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს
-
გადახედვა29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს 29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს
-
-
გადახედვაკობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა კობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა
-
გადახედვა"ობობები" მარსზე — რატომ ჩნდება წითელ პლანეტაზე სეზონური მუქი ლაქები "ობობები" მარსზე — რატომ ჩნდება წითელ პლანეტაზე სეზონური მუქი ლაქები
-
გადახედვაკობახიძე აცხადებს, რომ ევროპარლამენტის რეზოლუციაში ვიზალიბერალიზაციაზე ჩანაწერს "ჩალის ფასი აქვს" კობახიძე აცხადებს, რომ ევროპარლამენტის რეზოლუციაში ვიზალიბერალიზაციაზე ჩანაწერს "ჩალის ფასი აქვს"
-
-
გადახედვალელო: ვუერთდებით 28 აპრილს დაანონსებულ ევროპულ მარშს, რათა კიდევ ერთხელ ვუთხრათ "კი" ევროპას და "არა" რუსულ კანონს! ლელო: ვუერთდებით 28 აპრილს დაანონსებულ ევროპულ მარშს, რათა კიდევ ერთხელ ვუთხრათ "კი" ევროპას და "არა" რუსულ კანონს!
-
გადახედვარუსული კანონის მეორე საკომიტეტო მოსმენა 29 აპრილს დაინიშნა რუსული კანონის მეორე საკომიტეტო მოსმენა 29 აპრილს დაინიშნა
-
გადახედვაალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო ალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო
კომენტარები