რა ხდება: ესპანეთის პრემიერ-მინისტრმა, პედრო სანჩესმა განაცხადა, რომ ესპანეთის მოქალაქეობას მიანიჭებს UFC-ის ქართველ ვარსკვლავს, ილია თოფურიას.

  • ილია თოფურია, ოჯახთან ერთად, წლებია, ესპანეთში ცხოვრობს.
  • პრემიერ-მინისტრის ამ გადაწყვეტილებას წინ უძღოდა ილია თოფურიას განცხადება, რომ ოცნებობს, ესპანეთის მოქალაქის პასპორტი ჰქონდეს.
  • პრემიერმა სანჩესმა სპორტსმენთან შეხვედრა გამართა და ვიდეოკადრები პლატფორმა X-ზეც გამოაქვეყნა; იქვე აღნიშნა, რომ თოფურიას ოცნება მალე ახდება.

რა ვიცით თოფურიას შესახებ: ის არის ქართველი პროფესიონალი მებრძოლი, რომელიც 2024 წლის 18 თებერვალს, ალექსანდრე ვოლკანოვსკის დამარცხების შემდეგ, UFC-ის ჩემპიონი გახდა.

ოფიციალური ბიოგრაფიის თანახმად,

  • ილია თოფურია დაბადებულია გერმანიაში, ქართველი ემიგრანტების ოჯახში.
  • შვიდი წლის ასაკში ოჯახთან ერთად საცხოვრებლად საქართველოში დაბრუნდა და ბერძნულ-რომაულ ჭიდაობაში ვარჯიში დაიწყო.
  • 2012 წელს, 15 წლის ასაკში, ოჯახი ესპანეთის ქალაქ ალიკანტეში გადავიდა საცხოვრებლად.
  • 2015 წელს შედგა მისი დებიუტი პროფესიონალთა ადგილობრივ შეჯიბრებებში.
  • 27 წლის ასაკიდან ის UFC-ში ასპა­რე­ზობს.