მოკლედ: საქართველოს მესამე პრეზიდენტი ფეისბუქზე წერს, რომ მისი გათავისუფლების მიზნით, რამდენიმე დღეში ასი ათასზე მეტი ხელმოწერა შეგროვდა, ეს რიცხვი კი შეიძლება "მკვეთრად გაიზარდოს, შეიძლება გაორმაგდეს, გასამმაგდეს".

მიხეილ სააკაშვილი: "ძალიან მიყვარხართ ყველანი. ვიცი როგორ გიჭირთ, ყოველდღე ლუკმა-პურისთვის გიხდებათ ბრძოლა. შვილები, მამები, დედები უცხოეთში არიან გასული. არ იცით თუ რას გიმზადებთ ხვალინდელი დღე და მაინც არ ჩამოუშვით ხელები, აქტიურობთ", — წერია მისი სახელით, მის ოფიციალურ ფეისბუქის გვერდზე გამოქვეყნებულ განცხადებაში.

დეტალები: სააკაშვილის თქმით, ხელმოწერების კამპანია ადასტურებს, თუ რამხელა მუხტია დაგროვილი ხალხში, რომელსაც "უიმედობა ყელში ამოუვიდა და ენატრება საკუთარ ქვეყანაში ადამიანური ცხოვრება".

  • "თქვენი თითოეული ხელმოწერა არის დიდი სტიმული ჩემთვის და მაძლევს ბრძოლის ხალისსა და ძალას. გთხოვთ, კიდევ ცოტა გაძლოთ", — წერს მიხეილ სააკაშვილი.

ბოლო ხაზი: 16 თებერვალს, პარტია ერთიანმა ნაციონალურმა მოძრაობამ, სააკაშვილის გათავისუფლების მოთხოვნით, ქვეყნის მასშტაბით ხელმოწერების შეგროვება დაიწყო.

  • პარტიის წევრმა სოფო ჯაფარიძემ განაცხადა, რომ შეგროვებულ ხელმოწერებს გადასცემენ პრეზიდენტ სალომე ზურაბიშვილს 1-ელ მარტს, 15:00 საათზე, რაც "ძალიან დიდი ნაბიჯი იქნება მიხეილ სააკაშვილის თავისუფლებისთვის".

მსგავსი: "გულდასაწყვეტია, როცა დასასრული გაუგებარია, მინიმუმ აუხსნელი" — "მთავარმა არხმა" სოფო ჯაფარიძესთან თანამშრომლობა შეწყვიტა