რა ხდება: ჩინეთის სამხრეთით მდებარე ქალაქ გუანჯოუში, დღეს, 22 თებერვალს, სატვირთო გემი ხიდს შეეჯახა. შედეგად, 5 ავტოსატრანსპორტო საშუალება — მათ შორის, მუნიციპალური ავტობუსი, მდინარეში გადაცვივდა.

  • შემთხვევის შედეგად, დაიღუპა 2 ადამიანი, დაშავდა ერთი.
  • სამს ამ დრომდე ეძებენ.

დეტალები: ფოტოებზე, რომელიც ჩინურმა მაუწყებელმა CCTV გაავრცელა, ჩანს, რომ ხიდის ნაწილი ჩამტვრეულია.

  • გემი, რომელიც ხიდს შეეჯახა, დატვირთული არ ყოფილა.
  • ინციდენტი, ადგილობრივი დროით, 05:30 საათზე მოხდა.
  • გემის კაპიტანი დაკავებულია, მიმდებარე ტერიტორიაზე მცხოვრები ხალხი კი — ევაკუირებული.
  • კომპანიაში, რომელსაც გემი ეკუთვნის, ამბობენ, რომ გამოძიებასთან თანამშრომლობენ.