მოკლედ: ბელარუსის ლიდერი, ალექსანდრ ლუკაშენკო ამბობს, რომ " კოლექტიური დასავლეთის მადა და აქტიურობა კიდევ უფრო გაიზრდება" და ნატო-ს გაფართოება გაგრძელდება.

დეტალები: "ჩვენ, ფაქტობრივად, ვიმყოფებით გაჭიანურებული დიდი სამხედრო-პოლიტიკური კრიზისის ეპიცენტრში. პროგნოზები არადამაიმედებელია. კოლექტიური დასავლეთის მადა და აქტიურობა მხოლოდ გაიზრდება. ვაშინგტონი და მისი მოკავშირეები გააგრძელებენ ნატოს გაფართოებას. მათთვის მდგომარეობა სულ უფრო ხელსაყრელი ხდება. გულწრფელად ვიტყვი, ზედმეტი დიპლომატიის გარეშე: თითქმის ყველა ევროპელი ლიდერი გადაიქცა აშშ-ის სუბიექტად. ვისი პოლიტიკა, ვისი ინტერესები დომინირებს ევროკავშირის ტერიტორიაზე, ნათელია“, — განაცხადა მან ეროვნული უსაფრთხოების სახელმწიფო სააგენტოების ხელმძღვანელებთან შეხვედრაზე.

  • გარდა ამისა, ლუკაშენკო უსაფუძვლოდ არ მიიჩნევს შიშს მესამე მსოფლიო ომის დაწყების შესაძლებლობის შესახებ, წერს ბელტა.
  • "ფინეთის, ახლა კი — შვედეთის ნატოში შესვლა, აღმოსავლეთით გაფართოების შემდეგი ეტაპია. ისინი ალიანსში ბოსნია და ჰერცეგოვინას, მოლდოვას, საქართველოს და სერბეთსაც შეათრევენ და ეს ყველაფერი უკრაინის სცენარის მიხედვით იქნება“, — თქვა ლუკაშენკომ.

მან ასევე განაცხადა, რომ ქვეყანა აძლიერებს სამხედრო-ტექნიკურ პოტენციალს. კერძოდ, ბელარუსში შევიდა ორი S-400 საზენიტო-სარაკეტო დივიზია და ისკანდერ-M სარაკეტო სისტემების ორი დივიზია.