მოკლედ: რუსეთის საგარეო საქმეთა სამინისტრომ რუსები თვითგამოცხადებული აფხაზეთის რესპუბლიკაში უსაფრთხოების რისკების შესახებ გააფრთხილა.

დეტალები: როგორც უწყება ტელეგრამზე წერს, ე.წ. უზენაესი სასამართლოს გადაწყვეტილებით, პატიმრობიდან გაათავისუფლეს "აფხაზეთის მოქალაქე", გვარად აბუხბა, რომელმაც 2019 წელს "მძიმე დანაშაული ჩაიდინა რუსი ტურისტის მიმართ".

  • "ჩვენი შეფასებით, ეს საქმე მიუთითებს აფხაზური მართლმსაჯულების ძალიან ლმობიერ დამოკიდებულებაზე, რესპუბლიკის ტერიტორიაზე ჩადენილი დანაშაულებისა და დამნაშავეებისთვის დაკისრებული სასჯელების მიმართ.
  • ცხადია, ეს რისკებს უქმნის აფხაზეთის კურორტებზე ჩამოსული უცხოელი სტუმრების უსაფრთხოებას, რის შესახებაც, იძულებულნი ვართ, გავაფრთხილოთ ჩვენი თანამემამულეები", — წერია რუსეთის საგარეო საქმეთა სამინისტროს განცხადებაში.

ბოლო ხაზი: ედგარ აბუხბამ, 2019 წელს სცემა და გააუპატიურა რუსეთის მოქალაქე. მას 10-წლიანი პატიმრობა ჰქონდა მისჯილი, მკაცრი რეჟიმის კოლონიაში.