მოკლედ: თბილისის მერიის ინფორმაციით, კახა კალაძემ საკუთრების დამადასტურებელი მოწმობები დღეს საბურთალოს, ვაკის, ისნის, მთაწმინდის, კრწანისისა და სამგორის რაიონში მცხოვრებ 33 ოჯახს გადასცა. "წლების განმავლობაში დაუკანონებელი საცხოვრებელი ფართები ამ ოჯახებს სიმბოლურ, 1 ლარად გადაეცათ", — თქვა მან.

დეტალები: მერია ამბობს, რომ საკუთრების დამადასტურებელი მოწმებების გაცემა 2017 წელს, კახა კალაძის ინიციატივით დაიწყო, "3000-მდე ოჯახი უკვე დაკმაყოფილებულია და გადაცემული აქვთ საკუთრების დამადასტურებელი მოწმობები".

ბოლო ხაზი: საკუთრების დამადასტურებელი მოწმობების გადაცემას ესწრებოდა გიორგი ტყემალაძე — თბილისის მერიის საკრებულოს თავმჯდომარე, ირაკლი თავართქილაძე — ქონების მართვის სააგენტოს ხელმძღვანელი და "შესაბამისი რაიონის გამგებლები, თბილისის საკრებულოს და პარლამენტის დეპუტატები".