მოკლედ: რუსეთმა დღეს, 7 თებერვალს, დილით კიევსა და სხვა ქალაქებს დაარტყა, რის შედეგადაც დაიღუპა სულ მცირე 3 ადამიანი, დაშავდა 11.

  • პრეზიდენტ ვოლოდიმირ ზელენსკის თქმით, დედაქალაქში 2 ადამიანია დაღუპული, 10 კი დაჭრილი.

დეტალები: მსხვერპლია სამხრეთით მდებარე ქალაქ მიკოლაივში, სადაც ოკუპანტების ავიადარტყმას ერთი კაცი ემსხვერპლა.

  • საჰაერო განგაში მთელი ქვეყნის მასშტაბით ისმოდა, თავდასხმები პოლონეთის საზღვართან ახლოს მდებარე ქალაქ ლვოვთანაც დაფიქსირდა.
  • კიევის მერის, ვიტალი კლიჩკოს თქმით, ჩამოგდებულმა რუსულმა დრონმა დააზიანა ელექტროგადამცემი ხაზები და დედაქალაქში მოსახლეობის ნაწილს ელექტროენერგია არ მიეწოდება.
  • უკრაინის მთავარსარდალმა ვალერი ზალუჟნიმ განაცხადა, რომ რუსეთმა 64 რაკეტა და უპილოტო თვითმფრინავი გაუშვა, საიდანაც 44 ჩამოაგდეს. უკრაინის საჰაერო ძალების ცნობით, რუსული საკრუიზო რაკეტები დასავლეთით მდებარე ლვოვის, ტერნოპოლისა და ივანო-ფრანკოვსკის რაიონებში დააფიქსირეს.
  • აფეთქებების ხმა ისმოდა ხარკოვშიც, დაზიანდა ინფრასტრუქტურა.

ბოლო ხაზი: უკრაინა რუსული ავიადარტყმების სამიზნე, 2022 წლის 24 თებერვლის შემდეგ, ხშირად ხდება. რუსული ძალები რეგულარულად იყენებენ თავდასხმებისას სხვადასხვა ტიპის იარაღს, მათ შორის, დრონებსა და რაკეტებს.