მოკლედ: სამართალდამცველებმა წყნეთის პოლიციის ყოფილი უფროსი, დიმიტრი ქვაჭრელიშვილი და მისი ყოფილი მოადგილე, ამირან ნაჭყებია დააკავეს.

  • ინფორმაციას ინტერპრესნიუსი ავრცელებს.
  • მათ ბრალად ქრთამის აღება და უფლებამოსილების გადამეტება ედებათ.

დეტალები: ქვაჭრელიშვილმა და ნაჭყებიამ, ოპერატიული შესწავლის მიზნით, აიყვანეს რუსეთის მოქალაქე.

  • არსებობდა ეჭვი, რომ მას ნარკოტიკული საშუალებები ჰქონდა.
  • პოლიციელებმა მისი სახლი სასამართლოს განჩინების გარეშე გაჩხრიკეს.
  • რუსეთის მოქალაქე ამბობს, რომ ქვაჭრელიშვილმა მას, ქრთამის სახით, 3500 დოლარი გამოართვა.
  • არსებული ინფორმაციით, ძველი თბილისის მთავარი სამმართველოს პოლიციის მე-4 სამმართველოს უფროსმა და მისმა მოადგილემ სამსახურიდან წასვლის შესახებ განცხადება ფაქტიდან მეორე დღეს, მას შემდეგ დაწერეს, რაც საქმის შესწავლა დაიწყო.

დაკავებულები ზაჰესის დროებითი მოთავსების იზოლატორში იმყოფებიან. მათ ბრალი გუშინ წაუყენეს.

  • არსებული ინფორმაციით, დიმიტრი ქვაჭრელიშვილს სამსახურებრივი უფლებამოსილების გადამეტებასა და ქრთამის აღებას ედავებიან, დიმიტრი ნაჭყებიას კი სამსახურებრივი უფლებამოსილების გადამეტებასთან ერთად თაღლითობას.
  • დაკავებული ყოფილი პოლიციელების საქმეზე თბილისის საქალაქო სასამართლო აღკვეთის ღონისძიების შეფარდებაზე დღეს, 15:00 საათზე იმსჯელებს.