მოკლედ: რუსი რესტავრატორები, ხანძრის შედეგად დამწვარი ნახატების აღსადგენად, ოკუპირებულ აფხაზეთში ჩავლენ.

ინფორმაციას აფსნიპრესი ავრცელებს.

დეტალები: "უახლოეს პერიოდში სოხუმში გაემგზავრება კულტურის სამინისტროს ჯგუფი, რომელშიც შევლენ გრაბარის სახელობის სრულიად რუსეთის ხელოვნების სამეცნიერო და აღდგენითი ცენტრის, რესტავრაციის სახელმწიფო სამეცნიერო კვლევითი ინსტიტუტის, ტრეტიაკოვის გალერეისა და რუსეთის მუზეუმის წარმომადგენლები", — განაცხადა რუსეთის კულტურის მინისტრმა ოლგა ლიუბიმოვამ.

  • მისივე ინფორმაციით, სპეციალისტები ადგილზე შეამოწმებენ ნამუშევრებს და დოკუმენტებს, რომლის გამოტანაც მოხერხდა ხანძრის დროს შენობიდან.

ბოლო ხაზი: ხანძარი სოხუმში, ცენტრალურ საგამოფენო დარბაზში 21 იანვარს, ღამით გაჩნდა.

  • შენობის მეორე სართულზე ინახებოდა, დაახლოებით, 4 ათასი ნამუშევარი ე.წ. ეროვნული ნახატების გალერეიდან. მხოლოდ 200-მდე მათგანის გადარჩენა მოხერხდა.
  • მხატვრების ნაწილმა, საკუთარი ნახატები სახლში, გასაშრობად წაიღო.