ცოტა ხნის წინ დიდ ეკრანებზე ლეგენდარული Mean Girls მიუზიკლით დაბრუნდა! ფილმის შემოსავალმა გამოსვლიდან რამდენიმე დღეში $32 მილიონს გადააჭარბა. ბილეთების მყიდველთა უმეტესობა, 25 წლამდე ასაკის ქალები არიან.

მიუზიკლის პრემიერა მსოფლიოს სხვადასხვა წერტილში ჯერაც არ შემდგარა, მაგალითად, Mean Girls დიდი ბრიტანეთის კინოთეატრებში 17 იანვარს გამოჩნდება.

ფილმის მიმართ მაყურებლის დიდი მოლოდინი ორიგინალის სიყვარულმა გამოიწვია. Mean Girls თავდაპირველად 2004 წელს გამოჩნდა და საზოგადოების სიყვარული მალევე დაიმსახურა.

მთავარი პერსონაჟის, რეჯინა ჯორჯის როლს ორიგინალში რეიჩელ მაკადამსი ასრულებდა, 20 წლის შემდეგ კი ეს გმირი მომღერალმა, რენე რეპმა განასახიერა. რენე რეჯინას როლში ბროდვეიზე დადგმულ მიუზიკლშიც ვიხილეთ.

ფილმის რეჟისორი, კვლავაც, ისევე, როგორც ორიგინალის, თინა ფეია. Mean Girls-ის მთავარი გმირები და ხაზი ისევ იგივე რჩება — მოვლენები კვლავ ტიპურ ამერიკულ სკოლაში ვითარდება, სკოლის პოპულარული გოგოები კი აფრიკიდან ახალგადმოსულ მოსწავლეს უმეგობრდებიან.

ახალი მიუზიკლი არამხოლოდ ორიგინალის სიუჟეტს, არამედ მის რამდენიმე სცენასა თუ უშუალოდ ფრაზასაც იმეორებს, რაც მას უფრო მეტად ნოსტალგიურს ხდის. ფილმის უკვე ნაცნობ სახეებსაც ვხედავთ, მაგალითად, მიუზიკლის სცენარისტი თინა ფეი კვლავაც სკოლის მასწავლებლის როლს თამაშობს.

მიუზიკლში თანამედროვე სერიალების ვარსკვლავებსაც ვხედავთ, მაგალითად სერიალში ემილი პარიზში მინდის როლის შემსრულებელ ეშლი პარკს და კონრადის როლის შემსრულებელ კრისტოფერ ბრაინის The Summer I Turned Pretty-დან.