ახალი წლის ღამის ერთ-ერთი გამორჩეული მომენტი საჩუქრების გაცვლაა: მართალია, გავიზარდეთ და თოვლის ბაბუების აღარ გვჯერა, მაგრამ გვჯერა „საიდუმლო სანტების“ ჯადოსნურობის. თუ შენი საყვარელი ადამიანებისთვის ან „საიდუმლო სანტასთვის“ საჩუქარი ჯერ არ შეგირჩევია, ამ ბლოგში ვეცდებით, რამდენიმე იდეა მოგაწოდოთ, რადგან არც თუ ისე ბევრი დრო გრჩება.

საქართველოს ბანკი არც ამ ახალ წელს დაგტოვებს მარტოს, საჩუქრების შერჩევასაც გაგიმარტივებს და შეძენასაც. საახალწლო პერიოდში ფინანსების გადანაწილება არც ისე მარტივია, ამიტომ შეგიძლია პარტნიორ მაღაზიებში შერჩეული საჩუქრის ღირებულება რამდენიმე თვეზე გადაანაწილო საქართველოს ბანკის ნაწილ-ნაწილ გადახდის მეთოდით (ეფექტური 0%).

თუ ფინანსებთან ერთად არც ბევრი დრო გაქვს, მობილბანკის სასაჩუქრე ბარათები გამოგადგება, რომლებსაც სულ მარტივად, აპლიკაციაშივე შეარჩევ, მიუთითებ თანხას და ტელეფონის ნომერზე გაიგზავნი ადრესატს. თანაც დიზაინის შერჩევა და სამახსოვრო წარწერის გაკეთებაც ელექტრონულად შეგიძლია.

თუ მაინც არაფერი გაფიქრდება, ცოტა უფრო მეტადაც დაგეხმარებით იდეებზე:

1. ყურსასმენი

კარგი ყურსასმენების გარეშე ერთი დღის გაძლებაც რთულია. საინტერესო პოდკასტი ან საყვარელი სიმღერა საცობში ყოფნის სევდასაც კი შეამსუბუქებს. ამიტომ ყურსასმენები ყოველთვის კარგი იდეაა, შეგიძლია შეარჩიო ,,ჰედფონი“, უკაბელო ან რეტრო ყურსასმენები ადრესატის გემოვნების მიხედვით.

2. თრეველ ბოქსი

რთულად მოიძებნება ადამიანი, რომელსაც მოგზაურობა და დასვენება არ უყვარს. თრეველ ბოქსში სასტუმროს ორდღიანი ჯავშნის გარდა, სამოგზაურო ნივთებიც დაგხვდება. თუ გინდა შენს საყვარელ ადამიანს განტვირთვის დღეები მოუწყო, უკეთესს ვერაფერს შეარჩევ, თანაც საჩუქრის ღირებულებაც საკმაოდ ხელმისაწვდომია.

3. სამაგიდო თამაში

ყოველი სახლის თაროზე უნდა მოიპოვებოდეს რამდენიმე სამაგიდო თამაში. სამაგიდო თამაშები საუკეთესო საშუალებაა დროის გასატარებლად სამეგობროსთვისა და ოჯახისთვის. ნებისმიერი ასაკის და ინტერესის ადამიანისთვის შეგიძლია შეარჩიო შესაბამისი თამაში, ინტელექტუალური, ინტერაქციული, გასართობი ან თემატური. ამიტომ კარგად დაფიქრდი, საჩუქრის ადრესატს რომელი ფილმი ან სერიალი უყვარს და იდეალურ ვარიანტსაც იპოვი.

4. ლუტეციას ან ისი პარის ვაუჩერი

ალბათ დაგვეთანხმები, რომ სუნამოს შერჩევა ახლობელი ადამიანისთვისაც კი რთულია. შეიძლება ისეთ სუნამოში გადაიხადო თანხა, რომელსაც შენი საჩუქრის ადრესატი არასდროს გამოიყენებს. ამიტომ ასეთ დროს სჯობს, ვაუჩერი აჩუქო. ისი პარის ან ლუტეციას მაღაზიებში ნებისმიერი ადამიანი შეძლებს შეარჩიოს სუნამო ან დეკორატიული კოსმეტიკა. ვაუჩერის შეძენას სულ რამდენიმე წამში მობაილბანკით შეძლებ.

5. Dressup-ის ვაუჩერი

სუნამოს მსგავსად არც ტანსაცმლის შერჩევაა მარტივი. Dressup-ის ვაუჩერი კი საქმეს გაგიმარტივებს. ქურთუკი, პერანგი, ქუდი, შარფი, შარვალი — აბსოლუტურად ყველაფერია თავმოყრილი ერთ სივრცეში და ვაუჩერით ნებისმიერს აჩუქებ ამ სავსე და მრავალფეროვან სივრცეში არჩევანის შესაძლებლობას. ის კი თავად გადაწყვეტს, რა ტიპის, ფერის ან ზომის ტანსაცმელი ან ფეხსაცმელი ურჩევნია.

ყველამ ვიცით და გამოგვიცდია, რამდენად სასიამოვნოა, როცა ადამიანი რაიმეს გჩუქნის, მით უფრო ახალი წლის პერიოდში. შეუცვლელია შინაგანი განცდა, რომ ვიღაცისთვის შენ ძვირფასი ხარ, ვიღაცამ შენზე იფიქრა, დრო და ენერგია დახარჯა, რომ გაეხარებინე და ბოლომდე შეგეგრძნო ახალი წლის ჯადოსნურობა.

მეორე მხრივ კი, როცა თავად ჩუქნი, თითქოს ეს ორმაგად სასიამოვნოა, რომ შენ იფიქრე, დახარჯე დრო და ენერგია და სხვა, შენთვის ძვირფას ადამიანს აგრძნობინე იგივე. გულწრფელი და ღია ემოციების წრეა, რომელსაც ახალი წელი თავისი განწყობებით, ატმოსფეროთი, გემოებითა თუ ფერებით უფრო მეტ ჯადოსნურობას მატებს.

წელს საქართველოს ბანკთან ერთად შენთვის და სხვებისთვის პატარ-პატარა ჯადოსნური მომენტების შექმნა უფრო გაგიმარტივდება.