მოკლედ: ნარკოდანაშაულში მსჯავრდადებულ ზურა ნიჟარაძეს საპროცესო შეთანხმება გაუფორმდა, რომლის მიხედვითაც, ნიჟარაძე ციხეში 1 წელს გაატარებს და 3 წელი პირობით სასჯელს მოიხდის, მას, ასევე, დაეკისრა 150 საათი საზოგადოებისთვის სასარგებლო შრომა.

  • გადაწყვეტილება თბილისის საქალაქო სასამართლოში სხდომაზე გამოცხადდა.

დეტალები: ზურა ნიჟარაძე 11 ნოემბერს დააკავეს და პროკურატურა სამი სხვადასხვა ნარკოტიკული საშუალების ფლობას ედავებოდა.

  • პროკურატურა ნიჟარაძეს 1.4000628 გრამი MDMA-ის (განსაკუთრებით დიდი ოდენობა), 0.000105 გრამი ლიზერგინის მჟავის (LSD) (საწყისი ოდენობა) და 4.76616 გრამი კეტამინის (დიდი ოდენობა) ფლობას ედავებოდა, გასაღების მიზნის გარეშე.
  • თუ პროკურატურა ნიჟარაძესთან საპროცესო შეთანხმება არ გააფორმებდა, ბრალდებულს 8-დან 20 წლამდე, ან უვადო თავისუფლების აღკვეთა ემუქრებოდა.
  • 15 ნოემბერს სოციალური სამართლიანობის ცენტრმა გამოაქვეყნა 9 ორგანიზაციის მიერ ხელმოწერილი განცხადება, სადაც ხელისუფლებას მოუწოდებდნენ დაეწყო მოქმედი ნარკოპოლიტიკის ფუნდამენტური და რეალური რეფორმა.
  • "საქართველოში ნარკოპოლიტიკა კვლავ რეპრესიული ხასიათისაა და ის წამალდამოკიდებული ადამიანების დასჯისა და საპოლიციო კონტროლის ლოგიკაზე დგას", — აცხადებდნენ ისინი.

ამ თემაზე: დრაკონული ნარკოპოლიტიკის ტყვეობაში