მოკლედ: საქართველოში უამინდობაა, მთაში ძლიერი თოვის გამო, გზის გარკვეულ მონაკვეთებზე შეზღუდვებია დაწესებული.

დეტალები: საავტომობილო გზების ტეპარტამენტის ინფორმაციით,

  • ინტენსიური თოვის, ქარბუქის, შეზღუდული ხილვადობის გამო, ფარავნის უღელტეხილზე აკრძალულია ყველა სახის ავტოტრანსპორტის მოძრაობა.
  • ასევე, ინტენსიური თოვის გამო, ნაქერალას უღელტეხილზე, აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის გადაადგილება თავისუფალია
  • გარემოს ეროვნული სააგენტოს ცნობით, საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის გუდაური(ფოსტა)–კობის მონაკვეთზე ზვავსაშიშროების საფრთხის დონე მაღალია, რის გამოც აღნიშნულ მონაკვეთზე აკრძალულია ყველა სახის ავტოტრანსპორტის მოძრაობა.

უამინდობა საქართველოში 26 დეკემბრამდე გასტანს.