12 ივლისს, გვიან ღამით, ცოტნე დადიანის ქუჩაზე მოტოციკლეტისტი ქვეითად მიმავალ პირს დაეჯახა. როგორც On.ge-ს შინაგან საქმეთა სამინისტროში განუცხადეს, გამოძიება სისხლის სამართლის კოდექსის 276-ე მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

უწყების ცნობით, დაშავებულის მდგომარეობა მძიმე იყო და ის საავადმყოფოში გადაიყვანეს.

როგორც საგანგებო სიტუაციების სააგენტოში On.ge-ს უთხრეს, დაშავებული მიქაელ მთავარანგელოზის სახელობის კლინიკური საავადმყოფოში [ე.წ. მიხაილოვი] გადაიყვანეს.