მოკლედ: მარში ხვალ, 9 დეკემბერს გაიმართება.

  • მთავარი გზავნილია — შენი ხმა ევროკავშირს: "არ დაგავიწყდეთ, თან იქონიოთ საქართველოს და ევროკავშირის დროშები, ან უბრალოდ, დიდ ფურცელზე დაწერილი თქვენი სათქმელი ევროკავშირისთვის", — მიმართავენ ორგანიზატორები მოქალაქეებს.
  • პროდასავლური არასამთავრობო ორგანიზაციების მიერ დაგეგმილი მსვლელობა 14:00-ზე დაიწყება და რესპუბლიკის მოედნიდან ევროპის მოედნის მიმართულებით გაიმართება.
  • 7 დეკემბერს, საქართველოს პრეზიდენტმა, სალომე ზურაბიშვილმა თქვა, რომ მარშს უერთდება.

დეტალები: ორგანიზატორები აცხადებენ, რომ ქართველი ხალხის ერთიანობას გადამწყვეტი მნიშვნელობა ჰქონდა და აქვს ევროკავშირისკენ მიმავალ გზაზე.

  • "ამიტომ, როგორც მანამდეც, ევროკავშირს კიდევ ერთხელ უნდა ვაჩვენოთ ჩვენი ერთიანობა და გავაგონოთ ჩვენი ხმა", — ამბობენ ისინი და მარშში მსვლელობისკენ მოუწოდებენ საქართველოს ყველა მოქალაქეს, "დიდსა თუ პატარას, ქალსა თუ კაცს, სტუდენტსა თუ პენსიონერს, საჯარო მოხელესა თუ პოლიტიკოსს, ვისთვისაც საქართველოს ევროპული მომავალი მნიშვნელოვანია."

  • ვიდეო: შენი ხმა ევროკავშირს / Facebook

კონტექსტი: 8 ნოემბერს, ევროკომისიამ საქართველოსათვის ევროკავშირის წევრობის კანდიდატის სტატუსის მისანიჭებლად დადებითი რეკომენდაცია გასცა.

  • თუმცა, უახლოეს დღეებში, სავარაუდოდ, 14-15 დეკემბერს, ევროპულმა საბჭომ, რომელშიც 27 სახელმწიფოს ლიდერია, უნდა გადაწყვიტოს, საქართველო მიიღებს თუ არა კანდიდატი ქვეყნის სტატუსს.

ამ თემაზე: რეკომენდაცია კი მივიღეთ, მაგრამ ახლა რა უნდა გავაკეთოთ? — ახალი მოთხოვნები და პირობები საქართველოსთვის